കൈരാനയെ ജമ്മുകശ്​മീരിനോട്​ ഉപമിച്ച്​ യോഗി ആദിത്യനാഥ്​

ഗാസിയാബാദ്​: തെരഞ്ഞെടുപ്പ്​ അടുത്ത ഉത്തർ പ്രദേശിൽ വിവാദ പ്രസ്​താവനയുമായി ബി.ജെ.പി എം.പി യോഗി ആദിത്യനാഥ്​. ഉത്തർ പ്രദേശിലെ കൈരാനയെ ജമ്മുകശ്​മീരിനോട്​ ഉപമിച്ചാണ്​ എം.പി വിവാദത്തിലായിരിക്കുന്നത്​.

പടിഞ്ഞാറൻ ഉത്തർ പ്രദേശ്​ സുരക്ഷിതമ​ല്ലെന്ന്​​ ആദിത്യനാഥ്​ പറഞ്ഞു. 1990ൽ കശ്​മീരിൽ നിന്ന്​ ഹിന്ദുക്കൾക്ക്​ കൂട്ടത്തോ​െട പാലായനം ചെയ്യേണ്ടി വന്നു. മാനം രക്ഷിക്കാൻ അമ്മപെങ്ങൻമാർക്ക്​ പരസ്യമായി യാചിക്കേണ്ടി വന്നു. ഇതേ അവസ്​ഥയാണ്​ ഇന്ന്​ ബംഗാളിലെ കാണ്ട്​​ലയിലും പടിഞ്ഞാറൻ യു.പിയിലെ കൈരാനയിലെന്നും ബി.ജെ.പി എം.പി വ്യക്​തമാക്കി.

പടിഞ്ഞാറൻ യു.പിലെ ജനങ്ങൾ കൂട്ടപ്പാലായനം ചെയ്യുകയാണ്​. ഇത്​ പെ​െട്ടന്നു തന്നെ തടഞ്ഞില്ലെങ്കിൽ '90കളിൽ കശ്​്​മീരിലുണ്ടായ അവസ്​ഥ യു.പിയിലും ഉണ്ടാകുമെന്നും അദ്ദേഹം കൂട്ടിച്ചേർത്തു. കിഴക്കൻ യു.പിയിൽ പ്രശ്​നങ്ങളൊന്നുമില്ല. അവിടെ ജനങ്ങ​ൾക്ക്​ മനസിലാകുന്ന തരത്തിൽ സംസാരിച്ച്​ അവരെ നന്നാക്കാൻ നമുക്ക്​ സാധിക്കുന്നതായും ഗാസിയാബാദിലെ പൊതുസമ്മേളനത്തിൽ ആദിത്യനാഥ്​ പറഞ്ഞു..

മുമ്പ്​, തന്നെ വിജയിപ്പിച്ചാൽ കൈറാനയിൽ കർഫ്യൂ പ്രഖ്യാപിക്കുമെന്ന്​ പറഞ്ഞ​ ബി.​ജെ.പി എം.എൽ.എ സുരേഷ്​ റാണ വിവാദത്തിലായിരുന്നു.