'ദിവസവും ​ഗോമൂത്രം കുടിക്കുന്നതിനാലാണ് എനിക്ക് കോവിഡ് വരാത്തത്' -പ്ര​ഗ്യാ സിങ് താക്കൂർ

ന്യൂഡൽഹി: ഗോമൂത്രം കുടിക്കുന്നത് വഴി ശ്വാസകോശ അണുബാധയിൽ നിന്നും കോവിഡ് വൈറസിൽ നിന്നും രക്ഷനേടാമെന്ന് മധ്യപ്രദേശിൽ നിന്നുള്ള ബി.ജെ.പി എം.പി പ്ര​ഗ്യാ സിങ് താക്കൂർ. ദിവസവും ​ഗോമൂത്രം കുടിക്കുന്നതിനാലാണ് ​തനിക്ക് കോവിഡ് വരാത്തതെന്നും പ്ര​ഗ്യ പറഞ്ഞു.

"गौ मूत्र लेने से फेफड़ों का इंफेक्शन दूर होता है, मैं लेती हूं इसलिए मुझे कोरोना नहीं हुआ" :

भोपाल से BJP सांसद साध्वी प्रज्ञा#CoronaSecondWave #MadhyaPradesh pic.twitter.com/hugkhhiE2R

— News24 (@news24tvchannel) May 17, 2021

'​ഗോമൂത്രം കുടിക്കുന്നതിനാൽ ഞാൻ മരുന്നൊന്നും കഴിക്കാറില്ല. എല്ലാവരും വീട്ടിൽ പശുവിനെ വളർത്തണം. എന്നെ കാണാനില്ലെന്നും കണ്ടെത്തുന്നവർക്ക് പ്രതിഫലവും വാ​ഗ്ദാനം ചെയ്ത് ചിലർ രം​ഗത്തെത്തിയിട്ടുണ്ട്. നിയമവിരുദ്ധ പ്രവർത്തനം നടത്തുന്ന അവർക്ക് മാപ്പില്ല. എന്നാൽ ശിക്ഷ നൽകുന്നതെല്ലാം ദൈവമാണ്. എന്റെ വീട്ടിലിരുന്ന് ഞാൻ ജനങ്ങളെ സഹായിക്കുകയാണ്' -പ്ര​ഗ്യാസിങ് പറഞ്ഞു.

ഭോപ്പാലിൽ ഒരു പരിപാടിയിൽ പങ്കെടുത്ത് കൊണ്ടാണ് പ്ര​ഗ്യാസിങ് ഇക്കാര്യം പറഞ്ഞത്. ഈ വിഡിയോ സമൂഹമാധ്യമങ്ങളിൽ ചർച്ചയായിരിക്കുകയാണ്.

കോവിഡിനെതിരായ​ ഗോമൂത്ര, ചാണക ചികിത്സ ശാസ്ത്രീയമല്ലെന്ന് ഇന്ത്യൻ മെഡിക്കൽ അസോസിയേഷൻ കഴിഞ്ഞദിവസം വ്യക്തമാക്കിയിരുന്നു.