ക്രിസ്ത്യാനികൾക്ക് ഇന്ത്യൻ സ്വാതന്ത്ര്യ സമരത്തിൽ പങ്കില്ലെന്ന് ബി.ജെ.പി എം.പി VIDEO
text_fields
മുംബൈ: രാജ്യത്തെ ക്രിസ്ത്യാനികൾക്ക് ഇന്ത്യൻ സ്വാതന്ത്ര്യ സമരത്തിൽ യാതൊരു പങ്കുമില്ലെന്ന് ബി.ജെ.പി എം.പി. മുംബൈ നോർത്തിൽ നിന്നുള്ള എം.പി ഗോപാൽ ഷെട്ടിയാണ് ക്രിസ്ത്യാനികൾക്കെതിരെ ആരോപണവുമായി രംഗത്തെത്തിയത്. ക്രിസ്ത്യാനികൾ വിദേശികൾ (അഗ്രീസ്) ആണെന്ന് ഗോപാൽ ഷെട്ടി പറഞ്ഞു. ഹിന്ദുക്കളും മുസ് ലിംകളും മാത്രമാണ് സ്വാതന്ത്ര്യ സമര പോരാട്ടത്തിൽ പങ്കാളികളായിട്ടുള്ളതെന്നും ബി.ജെ.പി എം.പി ചൂണ്ടിക്കാട്ടി.
ക്രിസ്ത്യാനികൾ ബ്രിട്ടീഷുകാരായിരുന്നു. അതിനാൽ അവർ സ്വാതന്ത്ര്യ സമരത്തിൽ പങ്കെടുത്തിട്ടില്ല. ഹിന്ദുക്കളും മുസ് ലിംകളും മാത്രമാണ് രാജ്യത്തിന്‍റെ സ്വാതന്ത്ര്യത്തിനായി പോരാടിയത് -ഗോപാൽ ഷെട്ടി വ്യക്തമാക്കി. ശിയ കബർസ്താൻ കമ്മിറ്റി സംഘടിപ്പിച്ച ഈദ് മിലാദ് പരിപാടിയിൽ പ്രസംഗിക്കവെയാണ് ക്രിസ്ത്യാനികൾക്കെതിരെ ബി.ജെ.പി എം.പി വിവാദ പരാമർശം നടത്തിയത്.
Video Courtesy: Gallinews