ബി.ജെ.പി എം.എൽ.എയുടെ മകളെയും ഭർത്താവിനെയും കോടതി വളപ്പിൽ ആക്രമിച്ചു

ന്യൂഡൽഹി: ഇതര ജാതിയിൽപെട്ട യുവാവിനെ വിവാഹം കഴിച്ചതി​​​‍​െൻറ പേരിൽ ഭീഷണി നേരിട്ട ബി.ജെ.പി എം.എൽ.എയുടെ മകളെയും ഭ ർത്താവിനെയും ഹൈ​കോടതി വളപ്പിൽ അജ്​ഞാത സംഘം ആക്രമിച്ചു. യു.പിയിലെ ബി.ജെ.പി എം.എൽ.എ രാജേഷ് മിശ്രയുടെ മകൾ സാക്ഷി മ ിശ്ര, ഭർത്താവ്​ അജിതേഷ്​ കുമാർ എന്നിവരെയാണ്​ അലഹബാദ്​ ഹൈകോടതി വളപ്പിൽ മർദിച്ചത്​. ​​ഇരുവരും പൊലീസ്​ സുരക്ഷ നേടിയശേഷം കോടതിയിൽനിന്ന്​ ഇറങ്ങു​േമ്പാഴാണ്​ സംഭവം.

പിതാവിൽനിന്ന്​ ജീവനു ഭീഷണിയുണ്ടെന്ന്​ കാണിച്ച്​ സാക്ഷി മിശ്ര ദിവസങ്ങൾക്കു മുമ്പ്​ കോടതിയിൽ സമർപ്പിച്ച ഹരജിയിൽ സുരക്ഷയൊരുക്കാൻ ജഡ്​ജി​ ഉത്തരവിട്ടിരുന്നു. ദലിതനായ അജിതേഷിനെ വിവാഹം ചെയ്​തതിൽ ​പ്രകോപിതരായ പിതാവും സഹോദരനും തങ്ങളെ കൊല്ലാൻ ഗുണ്ടകളെ അയക്കുന്നുവെന്നും തങ്ങളെ സമാധാനത്തോടെ ജീവിക്കാൻ അനുവദിക്കണമെന്നും അപേക്ഷിച്ച്​​ കഴിഞ്ഞ ദിവസം സാക്ഷി സമൂഹ മാധ്യമത്തിൽ പോസ്​റ്റ്​ ചെയ്​ത വിഡിയോ വൈറലായിരുന്നു. ഭീഷണിയുള്ള നിലക്ക്​ പൊലീസ്​ സുരക്ഷയൊരുക്കണമെന്ന്​ ആവശ്യപ്പെട്ട്​ ഇരുവരും കോടതിയിൽ ഹരജി സമർപ്പിക്കുകയും ചെയ്​തു. ഈ ഹരജി അനുവദിച്ച ദിവസമാണ്​​ പുതിയ സംഭവവികാസങ്ങൾ.

അതിനിടെ, കോടതി പരിസരത്ത്​ മറ്റൊരു ദമ്പതികളെ ​തോക്കു ചൂണ്ടി ഒരു സംഘം തട്ടിക്കൊണ്ടുപോയത്​ വലിയ നാടകീയത സൃഷ്​ടിച്ചു. ഇവരും ജീവന്​ ഭീഷണിയുണ്ടെന്ന്​ കാണിച്ച്​ ​കോടതിയെ സമീപിച്ചതായിരുന്നു. എന്നാൽ, ഇത്​ സാക്ഷിയും അജിതേഷുമാണെന്ന്​ പലരും തെറ്റിദ്ധരിച്ചു. പിന്നീട്​ ഈ ദമ്പതികളെ അലഹബാദ്​ പൊലീസ്​ ഫത്തേപൂർ ജില്ലയിൽനിന്ന്​ കണ്ടുപിടിച്ചു. ഇവരെ ചോദ്യം ചെയ്​തുവരുകയാണ്​.