‘ശർജീൽ ഇമാമിനെ പോലുള്ളവരെ വെടിവെച്ച്​ കൊല്ലണം’ -ബി.ജെ.പി എം.എൽ.എ

ന്യൂഡൽഹി: പൗരത്വ പ്രതിഷേധങ്ങൾക്ക്​ നേതൃത്വം നൽകിയ ജെ.എൻ.യു വിദ്യാർഥി നേതാവ്​ ശര്‍ജീല്‍ ഇമാമിനെതിരെ വിവാദ പ്രസ്​താവനയുമായി ബി.ജെ.പി എം.എൽ.എ സംഗീത് സോം. ഇന്ത്യയെ തകർക്കുന്നതിനെക്കുറിച്ച് സംസാരിക്കുന്ന ശർജീൽ ഇമാമിനെപ്പോലുള്ളവരെ പരസ്യമായി വെടിവച്ച് കൊല്ലണമെന്ന് സംഗീത് സോം പറഞ്ഞു. ഉത്തർപ്രദേശിലെ സർധാന മണ്ഡലത്തിലെ എം.എൽ.എയായ​ സംഗീത്​ സോം 2013 മുസാഫൾനഗർ കലാപമുൾപ്പെടെ നിരവധി കേസുകളിൽ പ്രതിയാണ്​.

രാജ്യത്തെ തകർക്കണമെന്ന്​ പറയുന്ന ശർജീൽ ഇമാമിനെ പോലുള്ളവർ ആശങ്കപ്പെടുത്തുന്നു. അത്തരക്കാരെ പരസ്യമായി വെടിവെച്ച്​ കൊല്ലണം. സി.എ.എക്കെതിരെ പ്രതിഷേധത്തിൽ ഇരിക്കുന്ന സ്ത്രീകൾക്ക് ജോലിയൊന്നുമില്ല. ഈ പ്രതിഷേധങ്ങൾക്കു വേണ്ടി വരുന്ന ഫണ്ട് സംബന്ധിച്ച് അന്വേഷണം നടത്തണമെന്നും സംഗീത്​ സോം ആവശ്യപ്പെട്ടു.

‘സാമ്​ന’യിലൂടെ ശർജീൽ ഇമാമിനെ അറസ്​റ്റ്​ ചെയ്​ത നടപടിയെ പിന്തുണച്ച് ശിവസേനയും രംഗത്തെത്തിയിരുന്നു. ശർജീൽ ഇമാമിനെ പോലുള്ള ‘കീടങ്ങളെ’ഉടൻ നശിപ്പിക്കണമെന്നും അയാളുടെ കൈ വെട്ടിയെടുത്ത്​ ‘ചിക്കൻസ്​ നെക്കി’ൽ പ്രദർശിപ്പിക്കുകയാണ്​ വേണ്ടതെന്നും ശിവസേന ആവശ്യപ്പെട്ടിരുന്നു.

പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രെ ജാ​മി​യ മി​ല്ലി​യ്യ ഇ​സ്​​ലാ​മി​യ യൂ​നി​വേ​ഴ്​​സി​റ്റി, അ​ലീ​ഗ​ഢ്​ മു​സ്​​ലിം യൂ​നി​വേ​ഴ്​​സി​റ്റി എ​ന്നി​വി​ട​ങ്ങ​ളി​ൽ ന​ട​ന്ന പ്ര​ക്ഷോ​ഭ​ങ്ങ​ൾ​ക്കി​ടെ വി​ഭാ​ഗീ​യ​ത പ്രോ​ത്സാ​ഹി​പ്പി​ക്കു​ന്ന രീ​തി​യി​ൽ പ്ര​സം​ഗി​ച്ചു, ദേ​ശ​ദ്രോ​ഹ പ​രാ​മ​ർ​ശം ന​ട​ത്തി തു​ട​ങ്ങി​യ കു​റ്റ​ങ്ങ​ൾ ചാ​ർ​ത്തി​യാ​ണ്​ ശ​ർ​ജീ​ലി​നെ​തി​രെ രാ​ജ്യ​ദ്രോ​ഹ കേ​സെ​ടു​ത്ത​ത്.