കോവിഡിനെ പ്രതിരോധിക്കാൻ ഗോമൂത്രം; കുടിച്ച്​ കാണിച്ച്​ ബി.ജെ.പി എം.എൽ.എ

ലഖ്​നോ: കോവിഡി​െൻറ രണ്ടാം തരംഗം രാജ്യത്ത്​ അതിതീ​വ്രമായി തുടരുന്നതിനിടെ രോഗബാധ പ്രതിരോധിക്കാൻ എല്ലാവരും ഗോമൂത്രം കുടിക്കണമെന്ന വിചിത്ര നിർദേശവുമായി യു.പി ഭൈരയിലെ ബി.ജെ.പി എം.എൽ.എ സുരേന്ദ്ര സിങ്​. ഗോമൂത്രം കുടിക്കുന്നതി​െൻറ വിഡിയോയും എം.എൽ.എ പങ്കുവെച്ചു.

പലരും 18 മണിക്കൂർ ജോലി ചെയ്യുന്നതി​െൻറ രഹസ്യം ഗോമൂത്രമാണ്​. രാവിലെ വെറും വയറ്റിലാണ്​ ഗോമൂത്രം കുടിക്കേണ്ടത്​. അതിന്​ ശേഷം അരമണിക്കൂർ നേരത്തേക്ക്​ മറ്റ്​ ഭക്ഷണ പദാർഥങ്ങളൊന്നും കഴിക്കരുത്​. ശാസ്​ത്രം വിശ്വസിച്ചാലും ഇല്ലെങ്കിലും താൻ ഗോമൂത്രത്തി​െൻറ രോഗം മാറ്റാനുള്ള കഴിവിൽ വിശ്വസിക്കുന്നുവെന്ന്​ അദ്ദേഹം പറഞ്ഞു.

വെള്ളത്തിൽ ചേർത്താണ്​ ഗോമൂത്രം കുടിക്കേണ്ടത്​. നേരിട്ട്​ ഇത്​ ഉപയോഗിക്കാൻ ബുദ്ധിമുട്ടുണ്ടെങ്കിൽ പതഞ്​ജലിയുടെ ഗോമൂത്രം പരീക്ഷിക്കാം. കോവിഡിന്​ മാത്രമല്ല ഹൃദയസംബന്ധമായ രോഗങ്ങൾക്കും ഗോമൂത്രം ഔഷധമാണെന്നും അദ്ദേഹം അവകാശപ്പെട്ടു.