Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബി.ജെ.പി എം.എൽ.എയുടെ...

ബി.ജെ.പി എം.എൽ.എയുടെ പിറന്നാൾ ദിനത്തിൽ റേഷൻ വിതരണം; സാമൂഹിക അകലം മറന്ന്​ ജനം

text_fields
bookmark_border
ബി.ജെ.പി എം.എൽ.എയുടെ പിറന്നാൾ ദിനത്തിൽ റേഷൻ വിതരണം; സാമൂഹിക അകലം മറന്ന്​ ജനം
cancel

മുംബൈ: മഹാരാഷ്​ട്രയിൽ കോവിഡ്​ മരണ​വും രോഗബാധിതരുടെ എണ്ണവും ഉയർന്നുകൊണ്ടിരിക്കെ ലോക്ക്​ഡൗൺ മാനദണ്ഡങ്ങൾ ലംഘിച്ച്​ വാർധ ജില്ലയിലെ ബി.​െജ.പി എം.എൽ.എയുടെ പിറന്നാൾ ആഘോഷം. പിറന്നാൾ ദിനത്തിൽ പ്രദേശവാസികൾക്കായി നടത്തിയ റ േഷൻ വിതരണത്തിന്​ എം.എൽ.എയുടെ വസതിക്ക്​ മുന്നിൽ ആളുകൾ തടിച്ചുകൂടുകയായിരുന്നു.

വർധയിലെ ആർവി എം.എൽ.എ ദാദാറാവു കീച്ചെയാണ്​ പിറന്നാളിന്​ സ്വന്തം വസതിയിൽ റേഷൻ വിതരണം നടത്തിയത്​. ഞായറാഴ്​ച രാവിലെയാണ്​ സംഭവം. പിറന്നാളാഘോഷത്തി​​​െൻറ ഭാഗമായി അരിയും ഗോതമ്പും നൽകുമെന്ന്​ എം.എൽ.എ അറിയിക്കുകയായിരുന്നു. തുടർന്ന്​ സാമൂഹിക അകലം പാലിക്കൽ മറന്ന്​ നൂറുകണക്കിനാളുകൾ ദാദാറാവുവി​​​െൻറ വസതിക്ക്​ മുന്നിൽ തടിച്ചുകൂടി​. പൊലീസ്​ എത്തിയാണ്​ ആളുകളെ പിരിച്ചുവിട്ടത്​.

ദാദാറാവുവി​​​െൻറ വസതിക്ക്​ മുന്നിലുള്ള ജനക്കൂട്ടത്തി​​​െൻറ ദൃശ്യങ്ങൾ സമൂഹ മാധ്യമങ്ങളിൽ പ്രചരിക്കുന്നുണ്ട്​. എന്നാൽ പ്രദേശത്തെ 21 ദരിദ്രകുടുംബങ്ങൾക്കാണ്​ താൻ ഭക്ഷ്യധാന്യങ്ങൾ നൽകാമെന്ന്​ പറഞ്ഞതെന്ന്​ ദാദാറാവു പ്രതികരിച്ചു. കൂടുതൽ ആളുകളെ ത​​​െൻറ വീടിന്​ മുന്നിലേക്ക്​ വിളിച്ചുകൂട്ടിയത്​ പ്രതിപക്ഷത്തി​​​െൻറ ഗൂഢാലോചനയാണ്​. താൻ ക്ഷേത്രദർശനത്തിന്​ പോയശേഷമാണ്​ കൂടുതൽ പേർ വീടിന്​ മുന്നിലെത്തിയതെന്നും തന്നെ അപകീർത്തിപ്പെടുത്താനുള്ള ശ്രമമാ​ണെന്നും കീച്ചെ ആരോപിച്ചു.

Show Full Article
TAGS:covid19 lockdown Wardha mumbai bjp mla india news 
News Summary - BJP MLA distributes ration on birthday, social distancing goes for a toss - India news
Next Story