Begin typing your search above and press return to search.
exit_to_app
exit_to_app
Dengue Fever
cancel
Homechevron_rightNewschevron_rightIndiachevron_rightഡെങ്കിപ്പനി ബാധിച്ച്​...

ഡെങ്കിപ്പനി ബാധിച്ച്​ 40 കുട്ടികൾ മരിച്ചതായി ബി.​െജ.പി എം.എൽ.എ; നിഷേധിച്ച്​ യോഗി സർക്കാർ

text_fields
bookmark_border

ലഖ്​നോ: ഉത്തർപ്രദേശിലെ ഫിറോസാബാദിൽ ഡെങ്കിപ്പനി ബാധിച്ച്​ 40 കുട്ടികൾ മരിച്ചതായി ബി.ജെ.പി എം.എൽ.എ മനീഷ്​ അസീജ. അതേസമയം ഒരാഴ്​ചക്കിടെ 40 കുട്ടികൾ മരിച്ചെന്ന ആരോപണം സംസ്​ഥാന സർക്കാർ നിഷേധിച്ചു. സംസ്​ഥാന ആരോഗ്യവകുപ്പിനും തദ്ദേശ സ്​ഥാപനങ്ങൾക്കുമെതിരെ വിമർശനം ശക്തമായി.

അസീജയുടെ വാദം തെറ്റാണെന്നും 40 കുട്ടികൾ മരിച്ചതായി റി​േപ്പാർട്ടുകൾ ലഭിച്ചിട്ടില്ലെന്നും ആരോഗ്യമന്ത്രി ജയ്​ പ്രദീപ്​ സിങ്​ പറഞ്ഞു.

'ഫിറോസാബാദിൽ 40ൽ അധികം കുട്ടികൾ ആഗസ്​റ്റ്​ 22നും 23നും ഇടയിലായി ഡെങ്കിപ്പനി ബാധിച്ച്​ മരിച്ചു. രാവിലെ ആറുകുട്ടികൾ മരിച്ചെന്ന ദുഃഖവാർത്തയും ലഭിച്ചിരുന്നു' -അസീജ പി.ടി​.ഐയോട്​ പറഞ്ഞു. നാലിനും 15നും ഇടയിൽ പ്രായമുള്ള കുട്ടികളാണ്​ മരിച്ചതെന്നും എം.എൽ.എ പറഞ്ഞു.

സംസ്​ഥാന സർക്കാർ കൊതുക്​ -അണുനശീകരണത്തിന്​ വാഹനങ്ങൾ നൽകിയി​രുന്നതായും മുനിസിപ്പൽ കോർപറേഷൻ അവ ഉപയോഗപ്പെടുത്തിയില്ലെന്നും എം.എൽ.എ കുറ്റപ്പെടുത്തി. മഥുരയിലെ കോഹ്​ ഗ്രാമത്തിൽ ഒമ്പതുപേരാണ്​ പനി ബാധിച്ച്​ മരിച്ചത്​. രാവിലെ ഒരു മരണം റിപ്പോർട്ട്​ ചെയ്​തതായി ഗ്രാമത്തലവൻ ഹരേന്ദ്ര പറഞ്ഞു. മരിച്ച ഒമ്പത​ുപേരിൽ എട്ടും കുട്ടികളാണ്​.

Show Full Article
TAGS:UP Death BJP Firozabad Dengue Fever 
News Summary - BJP MLA claims 40 children have died in UP's Firozabad due to dengue
Next Story