മക​െൻറ മരണത്തിൽ കള്ളക്കളി, യു.പി പൊലീസ്​ കേസെടുക്കുന്നില്ല; ആരോപണവുമായി ബി.ജെ.പി എം.എൽ.എ

ലഖ്​നോ: മക​െൻറ മരണത്തിൽ കള്ളക്കളി കളിക്കുകയാണെന്നും ആശുപത്രി അധികൃതർക്കെതിരെ പൊലീസ്​ എഫ്​.ഐ.ആർ രജിസ്​റ്റർ ചെയ്​തില്ലെന്നും ഉത്തർപ്രദേശിലെ ബി.ജെ.പി എം.എൽ.എ.

ഹർദോയ്​ ജില്ലയിലെ സാൻഡില എം.എൽ.എയായ രാജ്​കുമാർ അഗർവാളി​െൻറ മകൻ ഏപ്രിൽ 26നാണ്​ മരിച്ചത്​. ഒരു മാസത്തിന്​ ശേഷം മക​െൻറ മരണത്തിന്​ കാരണം കകോരിയിലെ ആശുപത്രി അധികൃതരുടെ അനാസ്​ഥയാണെന്ന ആരോപണവുമായി എം.എൽ.എ രംഗത്തെത്തുകയായിരുന്നു.

മക​െൻറ മരണത്തിൽ മുഖ്യമന്ത്രി യോഗി ആദിത്യനാഥിനും ആരോഗ്യമന്ത്രിക്കും പരാതി നൽകിയിരുന്നു. എന്നാൽ അതിൽ യാതൊരുവിധ പ്രതികരണവും ഉണ്ടായില്ല. ഡി.ജി.പിയെയും പൊലീസ്​ കമീഷണറെയും സംഭവം അറിയിച്ചിരുന്നു. അവരിൽനിന്നും യാതൊരുവിധ പ്രതികരണവുമുണ്ടായില്ലെന്നും എം.എൽ.എ ആരോപിച്ചു.

ഏപ്രിൽ 22നാണ്​ രാജ്​കുമാറി​െൻറ മകൻ 35കാരനായ ആശിഷിനെ ​കോവിഡ്​ ബാധയെ തുടർന്ന്​ ആശുപത്രിയിൽ പ്രവേശിപ്പിക്കുന്നത്​. ഏപ്രിൽ 25ന്​ അദ്ദേഹത്തി​െൻറ ഒാക്​സിജ​െൻറ അളവ്​ 94 ആയിരുന്നു. അന്ന്​ ആശിഷ്​ ഭക്ഷണം കഴിക്കുകയും നല്ല രീതിയിൽ സംസാരിക്കുകയും ചെയ്​തിരുന്നു. എന്നാൽ, അന്ന്​ വൈകി​േട്ടാടെ ആശിഷി​െൻറ ഒാക്​സിജൻ അളവ്​ താഴ്​ന്നുപോകുന്നതായി അറിയിക്കുകയായിരുന്നു. ആശിഷിന്​ വേണ്ടി പുറത്തുനിന്ന്​ ഒാക്​സിജൻ സിലിണ്ടർ സംഘടിപ്പിച്ചുകൊണ്ടു​വന്നെങ്കിലും ഡോക്​ടർമാർ അത്​ ഉപയോഗിക്കാൻ സമ്മതി​ച്ചി​​ല്ലെന്നും എം.എൽ.എ ആരോപിച്ചു.

ആശുപത്രി അധികൃതരുടെ അനാസ്​ഥയാണ്​ മക​െൻറ മരണത്തിന്​ കാരണമെന്നും മറ്റൊരാൾക്ക്​ ഇതുപോലെ സംഭവിക്കാനാണ്​ പരാതി നൽകാൻ തയാറായതെന്നും എം.എൽ.എ പറയുന്നു. എന്നാൽ ത​െൻറ പരാതി സ്വീകരിക്കാൻ പൊലീസ്​ തയാറായില്ലെന്നും സി.എം.ഒയുടെ അന്വേഷണ റിപ്പോർട്ട്​ ലഭിച്ചാൽ മാത്രമേ പരാതി സ്വീകരിക്കുവെന്ന്​ പൊലീസ്​ പറഞ്ഞതായും അദ്ദേഹം ആരോപിച്ചു.

ഉത്തർപ്രദേശിൽ കോവിഡ്​ ബാധിച്ച്​ മരിച്ചവരുടെ എണ്ണം 20,000 കടന്നിരുന്നു. വെള്ളിയാഴ്​ച 159 മരണവും റിപ്പോർട്ട്​ ചെയ്​തു.