പ്രതിഷേധക്കാർക്ക്​ നേരെ ​വെടിവെപ്പ്​, പാകിസ്​താനിക്ക്​ പത്​മശ്രീ -സ്വര ഭാസ്​കർ

ഇ​ൻഡോർ: പൗരത്വ ഭേദഗതി നിയമത്തിനെതിരെ പ്രതിഷേധിച്ചവരെ വെടിവെക്കാൻ ഉത്തരവിടുന്ന ബി.ജെ.പി സർക്കാർ പാകിസ്​താൻ പൗരന്​ പത്​മശ്രീ നൽകുകയാണെന്ന്​ ബോളിവുഡ്​ നടി സ്വര ഭാസ്​കർ. മുസ്​ലിം ഇതര വിഭാഗങ്ങൾക്ക്​ പൗരത്വം നൽകുമെന്ന ന ിയമം മതേതരമായ ഭരണഘടനയെ വഞ്ചിക്കുന്നതാണെന്നും സ്വര ഭാസ്​കർ പറഞ്ഞു. ഇ​ൻഡോറിൽ നടന്ന ‘ഭരണഘടനയെ രക്ഷിക്കൂ, രാജ്യ ത്തെ രക്ഷിക്കൂ’ എന്ന പേരിൽ നടത്തിയ സി.എ.എ പ്രതിഷേധറാലിയിൽ സംസാരിക്കുകയായിരുന്നു താരം.

അഭയാർഥികൾക്ക്​ പൗരത്വം നൽകുന്നതും നുഴഞ്ഞുകയറ്റക്കാരെ അറസ്​റ്റു ചെയ്യുന്നതുമായ നിയമം നേരത്തെ നിലവിലുള്ളതാണ്​. പാകിസ്​താൻകാരനായ അദ്​നാൻ സമിക്ക്​ ഇന്ത്യ പൗരത്വം നൽകുകയും പത്​മ ശ്രീക്കായി തെരഞ്ഞെടുക്കുകയും ചെയ്​തിരിക്കുന്നു. ഇൗ സാഹചര്യത്തിൽ പൗരത്വ ഭേദഗതി നിയമത്തെ ന്യായീകരിക്കുക എങ്ങനെയാണെന്നും സ്വര ഭാസ്​കർ ചോദിച്ചു.

സി.എ.എ വിരുദ്ധ പ്രതിഷേധം നടത്തുന്നവർക്കെതിരെ ​ലാത്തി ചാർജ്​ നടത്തുകയും കണ്ണീർ വാതകം പ്രയോഗിക്കുകയും മർദിക്കുകയും ചെയ്യുന്നു. അതേസമയം പാകിസ്​താനിക്ക്​ രാജ്യത്തി​​​െൻറ ബഹുമതിയായ പത്​മശ്രീ നൽകുകയും ചെയ്യുന്നു. സർക്കാർ ജനങ്ങളെ തുക്​​െഡ സംഘങ്ങളെന്നും ദേശദ്രോഹികളെന്ന​​ും മുദ്രകുത്തുന്നു.

സർക്കാർ പാകിസ്​താനുമായി പ്രണയത്തിലാണ്​. എല്ലാ കാര്യങ്ങളും പാകിസ്​താനുമായി​ ഉപമിക്കുന്നു. ചിലർ നാഗ്​പൂരിലിരുന്ന്​ ജനങ്ങൾക്കിടയിൽ വിദ്വേഷം പടർത്തുകയാണെന്നും സ്വര വിമർശിച്ചു.