ബി.ജെ.പി നേതാവിന്​ നേരെ ബംഗാളിൽ ആക്രമണം

കൊൽക്കത്ത: പശ്​ചിമബംഗാളിൽ ബി.ജെ.പി നേതാവിനെതിരെ ആക്രമണം. ബൻകുര ജില്ലയിൽ പഞ്ചായത്ത്​ തെരഞ്ഞെടുപ്പിൽ​ നോമിനേഷൻ സമർപ്പിക്കുന്നതിനായി മജിസ്​ട്രേറ്റ്​ ഒാഫീസിലെത്തിയപ്പോഴാണ്​ ആക്രമണം ഉണ്ടായത്​. അടുത്തമാസമാണ്​ ബംഗാളിൽ പഞ്ചായത്ത്​ തെരഞ്ഞെടുപ്പ്​ നടക്കുന്നത്​.

#WATCH Bankura: BJP State Secretary Shyamapada Mondal attacked, allegedly by TMC workers. #WestBengal pic.twitter.com/RSgwJbHYCp

— ANI (@ANI) April 6, 2018

ഹെൽമറ്റ്​ ധരിച്ചെത്തിയ ഒരുസംഘം ആളുകൾ ബി.ജെ.പി നേതാവി​​​െൻറ വാഹനത്തി​​​െൻറ ചില്ലുകൾ അടി​ച്ച്​ തകർക്കുകയായിരുന്നു. ഇയാളെ വാഹനത്തിൽ നിന്നും ഇറക്കി മർദ്ദിക്കുകയും ചെയ്​തു. ആ​ക്രമിക്കുന്ന ദൃശ്യങ്ങൾ സാമൂഹിക മാധ്യമങ്ങളിലുടെ പ്രചരിക്കുന്നുണ്ട്​.

ആക്രമണത്തിന്​ പിന്നിൽ തൃണമൂൽ കോൺഗ്രസാണെന്ന്​ ബി.ജെ.പി ആരോപിച്ചു. എന്നാൽ, ബി.ജെ.പിയുടെ ആരോപണം തൃണമൂൽ നിഷേധിച്ചു. മെയ്​ 1,3,5 തിയതികളിലായാണ്​ ബംഗാളിലെ 60,000 പഞ്ചായത്ത്​ സീറ്റുകളിലേക്ക്​ തെരഞ്ഞെടുപ്പ്​ നടക്കുന്നത്​.  തെരഞ്ഞെടുപ്പിൽ നോമിനേഷൻ സമർപ്പിക്കാൻ പോലും തൃണമൂൽ അനുവദിക്കുന്നില്ലെന്ന ആരോപണവുമായി കോൺഗ്രസ്​, സി.പി.എം, ബി.ജെ.പി തുടങ്ങിയ പാർട്ടികൾ രംഗത്തെത്തിയിരുന്നു.