ഉത്തർപ്രദേശിൽ ബി.ജെ.പി നേതാവ്​ വെടിയേറ്റ്​ മരിച്ചു

സഹാറൻപൂർ: ഉത്തർപ്രദേശിൽ ബി.ജെ.പി നേതാവ്​ അജ്ഞാതൻെറ വെടിയേറ്റ്​ മരിച്ചു. ധാരാസിങ്​(47) ആണ്​ കൊല്ലപ്പെട്ടത്​. പ്രദേശത്തെ ഒരു പഞ്ചസാര മില്ലിൽ സെക്​ടർ ഇൻചാർജ്ജ്​ ആയി ജോലി ചെയ്യുന്ന ധാരാസിങ്​ സഹാറൻപൂരിലെ ദിയോബാൻഡിലുള്ള വീട്ടിൽ നിന്ന്​ ജോലിസ്ഥലത്തേക്ക്​ പോകുന്നതിനിടെയായിരുന്നു സംഭവം. റാൻഖണ്ഡി റെയിൽ​െവ ക്രോസിങ്ങിന്​ സമീപത്തെത്തിയപ്പോൾ രണ്ടുപേർ ബൈക്കിലെത്തി തടഞ്ഞു നിർത്തി വെടിയുതിർക്കുകയായിരുന്നു.

സംസ്ഥാനത്ത്​ ഒരാഴ്​ചക്കിടെ ഇത്തരത്തിൽ നടക്കുന്ന മൂന്നാമത്തെ കൊലപാതകമാണിത്​.​ കൊലപാതകത്തിന്​ കാരണം എന്താണെന്ന്​ പൊലീസ്​ അന്വേഷിച്ചു വരികയാണ്​.

കഴിഞ്ഞ ചൊവ്വാഴ്​ച ബി.ജെ.പി നേതാവ്​ ചൗധരി യഷ്​പാൽ സിങ്​, രണ്ട്​ ദിവസത്തിന്​ ശേഷം മറ്റൊരു ബി.ജെ.പി ​േനതാവായ കബീർ തിവാരി എന്നിവരും സമാന രീതിയിൽ വെടിയേറ്റ്​ മരിച്ചിരുന്നു.