ബി.ജെ.പി കിസാൻ മോർച്ച നേതാവ്​ റോഡപകടത്തിൽ മരിച്ചു

ലഖ്​നോ: ഉത്തർപ്രദേശ്​ ബി.ജെ.പി കിസാൻ മോർച്ച വൈസ്​ പ്രസിഡൻറ്​ ജയ്​ വിജയ്​ സിങ്​ റോഡപകടത്തിൽ മരിച്ചു. 58 വയസായിരുന്നു. ബുധനാഴ്​ച രാത്രി പ്രയാഗ്​രാജിന്​ സമീപം ബേഡി പുലിയയിലാണ്​ അപടകമുണ്ടായത്​. പാർട്ടിയുടെ പരിശീലന പരിപാടി കഴിഞ്ഞ്​ സ്വദേശമായ ചൗരയിലേക്ക്​ മടങ്ങവെ ജയ്​ സിങ്​ സഞ്ചരിച്ച എസ്​.യു.വി മറ്റൊരു വാഹനവുമായി കൂട്ടിയിടിക്കുകയായിരുന്നു.

അപകടത്തിൽ മകൻ രാംഫലിനും പരിക്കേറ്റു. പരിക്കേറ്റ ജയ്​ വിജയ്​ സിങ്ങിനെ പ്രയാഗ്​രാജിലെ ആശുപത്രിയിൽ പ്രവേശിപ്പിച്ചെങ്കിലും അർധരാത്രിയോടെ മരിച്ചു.

ബി.ജെ.പിയുടെ ജില്ലാ യൂനിറ്റ്​ മുൻ പ്രസിഡൻറായിരുന്നു.