ബി.ജെ.പി നേതാവ്​ ദിലീപ്​ ഗാന്ധി കോവിഡ്​ ബാധിച്ച്​ മരിച്ചു

ന്യൂഡൽഹി: മുൻ കേന്ദ്രമന്ത്രിയും ബി.ജെ.പി നേതാവുമായ ദിലീപ്​ ഗാന്ധി കോവിഡ്​ ബാധിച്ച്​ മരിച്ചു. 70 വയസായിരുന്നു. ഡൽഹിയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം.

ചൊവ്വാഴ്ചയാണ്​ രോഗബാധ സ്​ഥിരീകരിച്ചത്​. അഹമദ്​ നഗർ സൗത്ത്​ മണ്ഡലത്തിൽ നിന്ന്​ മൂന്ന്​ തവണ എം.പിയായിരുന്നു. 1999ലാണ്​ ആദ്യമായി ലോക്​സഭയിലെത്തിയത്​. 2009ലും 2014ലും വീണ്ടും തെരഞ്ഞെടുക്കപ്പെട്ടു.

എ.ബി വാജ്​പേയി സർക്കാറിൽ തുറമുഖ മന്ത്രാലയത്തിൽ സഹമന്ത്രിയായിരുന്നു.