Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightസർക്കാർ പിരിച്ചുവിടണം;...

സർക്കാർ പിരിച്ചുവിടണം; ബി.ജെ.പി ഗവർണർക്ക്​ കത്ത്​ നൽകി

text_fields
bookmark_border
സർക്കാർ പിരിച്ചുവിടണം; ബി.ജെ.പി ഗവർണർക്ക്​ കത്ത്​ നൽകി
cancel

ബംഗളൂരു: കര്‍ണാടകയിലെ പ്രതിസന്ധി തുടരുന്ന സാഹചര്യത്തില്‍ സർക്കാർ പിരിച്ചു വിടണമെന്നാവശ്യപ്പെട്ട്​ ബി.ജെ.പ ി ഗവർണർക്ക്​ കത്ത്​ നൽകി. ഭൂരിപക്ഷം നഷ്​ടപ്പെട്ട സഖ്യസർക്കാറിന്​ തുടരാൻ അർഹതയില്ലെന്നും നിയമസഭയിൽ നിൽക്കാനാ കില്ലെന്നും വിശദീകരിച്ച്​ നാലു പേജുള്ള കത്ത്​ ബി.ജെ.പി സംസ്ഥാന അധ്യക്ഷൻ ​ബി.എസ്​ യെദ്യൂരപ്പ ഗവർണർക്ക്​ കൈമാറി .

വിമത എം.എൽ.എമാരുടെ രാജിയിൽ ഉടൻ നടപടിയെടുക്കണമെന്ന്​ സ്​പീക്കറോട്​ ആവശ്യപ്പെടാൻ ഗവർണറോട്​ അഭ്യർത്ഥിച് ചതായി യെദ്യൂരപ്പ പറഞ്ഞു. കുമാരസ്വാമി മന്ത്രിസഭക്ക്​ തുടരാനുള്ള അർഹത നഷ്​ടമായി. ഭൂരിപക്ഷം തെളിയിക്കാനുള്ള അംഗങ്ങൾ സഖ്യസർക്കാറിനില്ലെന്നും യെദ്യൂരപ്പ മാധ്യമങ്ങളോട്​ പറഞ്ഞു.

ഭൂരിപക്ഷമില്ലാത്ത സര്‍ക്കാര്‍ നിയമസഭയില്‍ വരുന്നത് നിയമവിരുദ്ധമാണ്. ഇപ്പോള്‍ നടക്കുന്നത് ഭരണഘടനാ വിരുദ്ധമായ ഭരണമാണെന്ന്​ ഗവർണറെ ധരിപ്പിച്ചതായും യെദ്യൂരപ്പ പറഞ്ഞു.

വിമത എം.എൽ.എമാരുടെ രാജി സ്വീകരിക്കാതെ സർക്കാറിന്​ കൂടുതൽ സമയം അനുവദിക്കുന്ന സ്​പീക്കറുടെ നടപടിയിൽ പ്രതിഷേധിച്ച് ബി.ജെ.പി നിയമസഭാംഗങ്ങൾ വിധാൻ സൗധയിലെ ഗാന്ധി പ്രതിമക്ക്​ മുന്നിൽ ധർണ നടത്തിയിരുന്നു. ​ ഭൂരിപക്ഷം നഷ്​ടമായ കുമാരസ്വാമി സര്‍ക്കാര്‍ അധികാരത്തിൽ തുടരരുതെന്നാണ്​​ പ്രതിപക്ഷത്തിൻെറ ആവശ്യം.

എം.എല്‍.എമാരുടെ രാജിക്ക്​ നിയമ സാധുതയില്ലെന്ന് സ്പീക്കര്‍ രമേഷ് കുമാര്‍ അറിയിച്ച സാഹചര്യത്തിൽ മുംബൈയിലുള്ള വിമത എം.എല്‍.എമാര്‍ വീണ്ടും രാജി നല്‍കാന്‍ ഇന്ന് ബംഗളൂരുവില്‍ എത്തിയേക്കുമെന്നും റിപ്പോർട്ടുണ്ട്​.
അതേസമയം, മുംബൈയിലെ ഹോട്ടലിലുള്ള എം.എൽ.എമാരെ അനുനയിപ്പിക്കാൻ ഡി.കെ. ശിവകുമാര്‍ എത്തിയെങ്കിലും പൊലീസ്​ ഹോട്ടലിലേക്ക്​ കടത്തിവിട്ടില്ല. ഇതോടെ അനുനയനശ്രമങ്ങളും അടഞ്ഞ അവസ്ഥയിലാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:governorbs yeddyurappaindia newsKarnataka Coalition
News Summary - BJP leader BS Yeddyurappa to meet Governor - India news
Next Story