കശ്​മീരിൽ ബി.ജെ.പി നേതാവും സഹോദരനും വെടിയേറ്റ്​ മരിച്ചു

ശ്രീനഗർ: ജമ്മുകശ്​മീരിൽ ബി.ജെ.പി നേതാവും സഹോദരനും വെടിയേറ്റ്​ മരിച്ചു. പാർട്ടി സംസ്ഥാന സെക്രട്ടറി അനിൽ പരിഹറും സഹോദരൻ അജിത്​ പരിഹറുമാണ്​ കൊല്ലപ്പെട്ടത്​. വ്യാഴാഴ്​ച വൈകുന്നേരം എട്ട്​ മണിയോടെയാണ്​ സംഭവം.

കിഷ്​ത്വാർ നഗരത്തിലെ തപൽ ഗലി മൊഹല്ലയിലുള്ള കടയടച്ച്​ വീട്ടിലേക്ക്​ വരു​േമ്പാഴാണ്​ ഇരുവർക്കുമെതിരെ വെടിവെപ്പുണ്ടായത്​. സംഭവത്തെ തുടർന്ന്​ കിഷ്​ത്വാറിൽ കർഫ്യൂ പ്രഖ്യാപിച്ചു. അതേസമയം, അക്രമത്തിന്​ പിന്നിലാരാണെന്ന്​ വ്യക്​തമായിട്ടില്ല. സംഭവത്തിൽ വിശദമായ അന്വേഷണം ആരംഭിച്ചതായി ജമ്മുകശ്​മീർ പൊലീസ്​ അറിയിച്ചു. വെടിയേറ്റയുടൻ ഇരുവരെയും ആശുപത്രിയിൽ പ്രവേശിപ്പിച്ചുവെങ്കിലും രക്ഷിക്കാനായില്ല.

സംഭവത്തിന്​ പിന്നിൽ ഭീകരരാണെന്ന്​ ബി.ജെ.പി ആരോപിച്ചു. 2008ലെ നിയമസഭ തെരഞ്ഞെടുപ്പിൽ അനിൽ മൽസരിച്ചിട്ടുണ്ട്​. ജമ്മു കശ്​മീർ നാഷൻ പാന്തേഴ്​സ്​ സ്ഥാനാർഥിയായിട്ടായിരുന്നു മൽസരം.