മന്ദ്​​​സൗർ ബലാത്സംഗ കേസ്​ പ്രതികളുടെ തലക്ക്​ അഞ്ച്​ ലക്ഷം പാരിതോഷികമെന്ന്​ ബി.ജെ.പി നേതാവ്​

ഭോപ്പാൽ: മധ്യപ്രദേശിലെ മന്ദ്​സൗറിൽ എട്ടു വയസ്സുകാരിയെ ബലാത്സംഗത്തിനിരയാക്കിയ പ്രതികളുടെ തലയറുത്താൽ അഞ്ചു ലക്ഷം രൂപ പാരിതോഷികം നൽകുമെന്ന്​ ബി.ജെ.പി നേതാവ്​. ഹോഷങ്കാബാദിലെ പാർട്ടി നേതാവ്​ സജീവ്​ മിശ്രയാണ്​ ബലാത്സംഗ കേസ്​ പ്രതികളുടെ തലയറുക്കുന്നവർക്ക്​ അഞ്ചു ലക്ഷം പാരിതോഷികം പ്രഖ്യാപിച്ചത്​.  പ്രതികൾക്ക്​ വധശിക്ഷ നൽകണമെന്നാണ്​ ആവശ്യപ്പെടുന്നത്​.  നിയമത്തിനോ കോടതിക്കോ അത്​ കഴിയില്ലെങ്കിൽ അവരുടെ തലവെട്ടിയെടുക്കുന്നവർക്ക്​ അഞ്ചു ലക്ഷം നൽകാൻ ഞങ്ങൾ തയാറാണെന്ന്​ സജീവ്​ മിശ്ര പറഞ്ഞു. 

ക്രൂരകൃത്യം നടത്തിയവരെ തൂക്കികൊല്ലണമെന്ന്​ മധ്യപ്രദേശ്​ മുഖ്യമന്ത്രി ശിവരാജ്​ ചൗഹാൻ നേരത്തെ പറഞ്ഞിരുന്നു. ഇന്ദോർ ബി.ജെ.പി  എം.എൽ.എ സജീവ്​ മിശ്രയുടെ പ്രസ്​താവനയും ഏറെ വിവാദമായിരുന്നു. 

ജൂൺ 26നാണ്​ എട്ടുവയസുകാരിയെ സ്​കൂളിൽ നിന്നും തട്ടികൊണ്ടുപോയി ബലാത്സംഗം ചെയ്​തത്​. സംഭവത്തിൽ ബയ്യു എന്ന ഇർഫാൻ(20), ആസിഫ്​(24) എന്നിവരാണ്​ പിടിയിലാണ്​. പിതാവ്​ കുറച്ചക​െല കാത്തു നിൽക്കുന്നുണ്ടെന്നും തങ്ങൾ പിതാവി​​​െൻറ അടു​​ത്തെത്തിക്കാമെന്നും പറഞ്ഞ്​ പറ്റിച്ച്​ പ്രതികൾ ​പെൺകുട്ടിയെ സ്​കൂളിൽ നിന്ന് കൂട്ടിക്കൊണ്ടു പോയി പീഡിപ്പിക്കുകയായിരുന്നു. 

സംഭവം വലിയ ജനരോഷത്തിനു കാരണമാവുകയും പെൺകുട്ടിക്ക്​ നീതി തേടി ആയിരങ്ങൾ തെരുവിലിറങ്ങുകയും ചെയ്​തിരുന്നു. ​പെൺകുട്ടിയുടെ ചികിത്സാ ചെലവുകളും വിദ്യാഭ്യാസവും സർക്കാർ ഏറ്റെടുക്കുമെന്ന്​ മധ്യപ്രദേശ്​ വനിത-ശിശു വികസന വകുപ്പു മന്ത്രി അർച്ചന ചിറ്റ്​നിസ്​ വാഗ്​ദാനം ചെയ്​തിരുന്നു. പെൺകുട്ടിയുടെ ആരോഗ്യനില മെച്ചപ്പെട്ടുവരികയാണ്​.