ബി.ജെ.പിക്ക്​ മോശം പ്രതിച്​ഛായ; സഖ്യത്തിനില്ലെന്ന്​ പവൻ കല്യാൺ

വിജയവാഡ: ആന്ധ്രയിൽ ബി.ജെ.പിയുമായി ഒരു തരത്തിലുമുള്ള സഖ്യത്തിനില്ലെന്ന്​ വ്യക്​തമാക്കി തെന്നിന്ത്യൻ നടനും രാഷ്​ട്രീയ നേതാവുമായ പവൻ കല്യാൺ. ആന്ധ്രയിൽ നിലവിൽ പടർന്ന്​ പിടിച്ചിരിക്കുന്ന അഴിമതിക്ക്​ കാരണം മുഖ്യമന്ത്രി ചന്ദ്രബാബു നായിഡുവും അദ്ദേഹത്തി​​​​െൻറ മകനുമാണെന്ന്​ പവൻ കല്യാൺ ആരോപിച്ചു. 

ഇപ്പോൾ സംസ്ഥാനത്ത്​ ബി.ജെ.പിക്ക്​  മോശം പ്രതിച്​ഛായ. ഇൗയൊരു സാഹചര്യത്തിൽ ആർക്കും അവരുമായി സഖ്യമുണ്ടാക്കാൻ സാധിക്കില്ലെന്നും പവൻ കല്യാൺ വ്യക്​തമാക്കി. ബി.ജെ.പിയുമായി ​പ്രശ്​നങ്ങളുണ്ടെന്ന്​ പറയു​േമ്പാഴും രഹസ്യമായി സഖ്യമുണ്ടാക്കാനാണ്​ ടി.ഡി.പിയും ചന്ദ്രബാബു നായിഡുവും ശ്രമിക്കുന്നതെന്നും പവൻ കല്യാൺ ആരോപിച്ചു. 

കഴിഞ്ഞ തെരഞ്ഞെടുപ്പിൽ ഒന്നും പ്രതീക്ഷിച്ചല്ല ബി.ജെ.പി-ടി.ഡി.പി സഖ്യത്തെ പിന്തുണച്ചതെന്നും പവൻ പറഞ്ഞു. എന്നാൽ, പവൻ കല്യാണി​​​​െൻറ ആരോപണങ്ങൾ ടി.ഡി.പി നിഷേധിച്ചു.