തെരഞ്ഞെടുപ്പിൽ ബി​.ജെ.പി മുസ്​ലിംകൾക്ക്​ ടിക്കറ്റ്​ നൽകില്ല, എന്നാൽ സർക്കാറിനെ താഴെയിറക്കാൻ ഉപയോഗിക്കും -അശോക്​ ഗെഹ്​ലോട്ട്​

ജയ്​പൂർ: തെ​ര​െഞ്ഞടുപ്പിൽ മത്സരിക്കാൻ ബി.ജെ.പി മുസ്​ലിംകൾക്ക്​ ടിക്കറ്റ്​ നൽകില്ലെങ്കിലു​ം സർക്കാറിനെ അട്ടിമറിക്കാൻ മുസ്​ലിം നേതാവിനെ​ ഉപയോഗപ്പെടുത്തുന്നതായി രാജസ്​ഥാൻ മുഖ്യമന്ത്രി അശോക്​ ഗെഹ്​ലോട്ട്​. ഉപമുഖ്യമന്ത്രി സചിൻ ​ൈപലറ്റ്​ ഉൾപ്പെടെ കോൺഗ്രസ്​ എം.എൽ.എമാർ ജൂലൈയിൽ സർക്കാറിനെതിരെ തിരിയാനുണ്ടായ കാരണം ബി.ജെ.പിയുടെ രാജ്യസഭ എം.പിയായ സഫർ ഇസ്​ലാം നടത്തിയ കുതിരക്കച്ചവടത്തിന്‍റെ ഭാഗമായാണെന്ന്​ അദ്ദേഹം ആരോപിച്ചു.

കഴിഞ്ഞ രണ്ടുവർഷ​ത്തെ സർക്കാറിന്‍റെ നേട്ടങ്ങൾ വിശദീകരിക്കാൻ വിളിച്ചുചേർത്ത വാർത്താസമ്മേളനത്തിലാണ്​ അശോക്​ ഗെഹ്​ലോട്ടിന്‍റെ പ്രതികരണം.

ബിഹാറിലും ഉത്തർപ്രദേശിലും നടന്ന നിയമസഭ തെരഞ്ഞെടുപ്പിൽ ബി.ജെ.പി ഒരു മുസ്​ലിം സ്​ഥാനാർഥിയെ പോലും മത്സരത്തിന്​ ഇറക്കിയില്ല. അതേസമയം ഒരു മുസ്​ലിം നേതാവിനെ ഉപയോഗിച്ച്​ സർക്കാറിനെ അട്ടിമറിക്കാൻ ശ്രമിച്ചു -അശോക്​ ഗെഹ്​ലോട്ട്​ പറഞ്ഞു.

എന്നാൽ, സർക്കാറിനെ അട്ടിമറിക്കാൻ രാജ്യസഭ എം.പി നടത്തിയ ശ്രമങ്ങൾ എന്താ​ണെന്ന്​ അശോക്​ ഗെഹ്​ലോട്ട്​ വിശദീകരിച്ചില്ല. സർക്കാറിനെ അട്ടിമറിക്കാൻ ബി.ജെ.പി നടത്തിയ നാടകത്തിന്​ തെളിവ്​ കൈയിലുണ്ടെന്നും കേന്ദ്ര ആഭ്യന്തരമന്ത്രി അമിത്​ ഷാ, ധർമേന്ദ്ര പ്രധാൻ, ഗജേന്ദ്രസിങ്​ ശെഖാവത്ത്​ എന്നിവർക്ക്​ ഗൂഡാലോചനയിൽ പ​​ങ്കുണ്ടെന്നും അശോക്​ ഗെഹ്​ലോട്ട്​ ആരോപിച്ചു.

ജൂലൈയിൽ സചിൻ ​ൈപലറ്റും 18 എം.എൽ.എമാരും അശോക്​ ഗെഹ്​ലോട്ട്​ സർക്കാറിനെതിരെ തിരിഞ്ഞത്​ സംസ്​ഥാനത്ത്​ രാഷ്​ട്രീയ പ്രതിസന്ധി രൂക്ഷമാക്കിയിരുന്നു. ഡൽഹിയിലെ കോൺഗ്രസ്​ നേതൃത്വം ഇടപെട്ടാണ്​ പ്രശ്​നങ്ങൾ പരിഹരിച്ചത്​.

എന്നാൽ, സ്വന്തം പാർട്ടിയിലെ അണികളുമായുള്ള പ്രശ്​നത്തിന്​ പ്രതിപക്ഷത്തെ കുറ്റപ്പെടുത്തുകയാണെന്നായിരുന്നു ബി.ജെ.പിയുടെ പ്രതികരണം. ബി.ജെ.പിയുടെ കുതിരക്കച്ചവടമാണ്​ രാജസ്​ഥാൻ കോൺഗ്രസിലെ ​പ്രശ്​നങ്ങൾക്ക്​ കാരണ​മെന്ന ഗെഹ്​ലോട്ടിന്‍റെ ആരോപണം ബി.ജെ.പി നിഷേധിക്കുകയും ചെയ്​തിരുന്നു.

എ.​െഎ.സി.സി ജനറൽ സെക്രട്ടറി അജയ്​ മാക്കാൻ, പി.സി.സി പ്രസിഡന്‍റ്​ ഗോവിന്ദ്​ സിങ്​ ദൊതാസ്ര, സംസ്​ഥാന മന്ത്രിമാർ തുടങ്ങിയവർ അശോക്​ ഗെഹ്​ലോട്ടിനൊപ്പം വാർത്തസമ്മേളനത്തിൽ പ​െങ്കടുത്തു.