ബി.ജെ.പി സർക്കാർ രൂപീകരിക്കാത്തത്​ ഭൂരിപക്ഷമില്ലാത്തതിനാൽ -ശരദ്​ പവാർ

മുംബൈ: ഭൂരിപക്ഷമില്ലാത്തതിനാലാണ്​ മഹാരാഷ്ട്രയിൽ ബി.ജെ.പിക്ക്​ സർക്കാർ രൂപീകരിക്കാനാവാതിരുന്നതെന്ന്​​ എൻ.സ ി.പി അധ്യക്ഷൻ ശരദ്​ പവാർ. മാധ്യമപ്രവർത്തകരോട്​ സംസാരിക്കുകയായിരുന്നു അദ്ദേഹം.

മഹാരാഷ്ട്രയിൽ ബി.ജെ.പിക്ക്​ ഭൂരിപക്ഷമില്ലെന്നതാണ്​ യാഥാർഥ്യം. അതുകൊണ്ടാണ്​ അവർ സർക്കാർ രൂപീകരിക്കാതിരുന്നത്​. തങ്ങൾക്ക്​ ഭൂരിപക്ഷമില്ലാത്തതിനാൽ സർക്കാർ രൂപീകരിക്കാനാവില്ലെന്ന്​ ബി.ജെ.പി ഗവർണർക്ക്​ എഴുതി നൽകുക പോലും ചെയ്​തെന്നും പവാർ പറഞ്ഞു.

ഞങ്ങൾ എം.എൽ.എമാരുടെ യോഗങ്ങളുമായി മുന്നോട്ടുപോവു​കയാണെന്നും സർക്കാർ രൂപീകരണത്തിൽ എൻ.സി.പി ബി.ജെ.പിയോടൊപ്പമില്ലെന്നും അദ്ദേഹം പറഞ്ഞു.