ബി.ജെ.പി നിലകൊള്ളുന്നത്​ രാജ്യത്ത്​ ദേശീയത പ്രചരിപ്പിക്കുന്നതിന്​

ഗോരഖ്​പൂർ:  രാജ്യത്ത്​ വികസനവും ദേശീയതയും പ്രചരിപ്പിക്കുന്നതിനാണ്​  ബി.ജെ.പി നിലകൊള്ളുന്നതെന്ന്​ പാർട്ടി നേതാവ്​ യോഗി ആദിത്യനാഥ്​​. പാർട്ടിയുടെ ഒരുതരത്തിലുള്ള പ്രചാരണങ്ങളും വർഗീയമായിരുന്നില്ല. ബിജെ പി യുടെ അജണ്ട വികസനമാണ്​. കേന്ദ്രത്തിലിരുന്ന്​ നരേന്ദ്രമോദി രാജ്യത്തെ എങ്ങനെയാണ്​ മുന്നോട്ടുകൊണ്ടുപോകുന്നതെന്ന്​ ജനങ്ങൾ നോക്കി കാണുന്നുണ്ട്​. വരുന്ന തെരഞ്ഞെടുപ്പുകളിലും ബി.​ജെ.പി ഉയർന്ന ഭൂരിപക്ഷത്തോടെ വിജയിക്കുമെന്ന പ്രതീക്ഷയുണ്ടെന്നും ​ആദിത്യനാഥ് പറഞ്ഞു.

ഉത്തർപ്രദേശിൽ വികസന ലക്ഷ്യം പൂർത്തീകരിക്കണമെങ്കിൽ ബി.ജെ.പി അധികാരത്തിലെത്തണം. ബി.എസ്​.പിയും സമാജ്​വാദി പാർട്ടിയും അഴിമതിക്കാരെയും ക്രിമിനലുകളെയുമാണ്​ സ്ഥാനാർഥികളാക്കി നിർത്തിയിരിക്കുന്നതെന്നും അദ്ദേഹം വിമർശിച്ചു.
യു.പിയിലെ 49 മണ്ഡലങ്ങളിലായി ആറാംഘട്ട വോ​​െട്ടടുപ്പ്​ തുടരുകയാണ്​.