Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഔറംഗാബാദിന്​...

ഔറംഗാബാദിന്​ സാംബാജിനഗർ എന്ന പേര്​ നൽകണമെന്ന്​ ബി.ജെ.പി

text_fields
bookmark_border
ഔറംഗാബാദിന്​ സാംബാജിനഗർ എന്ന പേര്​ നൽകണമെന്ന്​ ബി.ജെ.പി
cancel

പൂനെ: മഹാരാഷ്​ട്രയിലെ ഔറംഗബാദ് നഗരത്തി​​​െൻറ പേര് സാംബാജി നഗര്‍ എന്ന് പുനര്‍നാമകരണം ചെയ്യാൻ ഉദ്ദവ് താക്കറെ സര്‍ക്കാര്‍ തയാറാവണമെന്ന് ബി.ജെ.പി. ഛത്രപതി ശിവജിയുടെ മൂത്തപുത്രനായ സംബാജിയുടെ പേര്​ നൽകി സംബാജിനഗർ എന്ന്​ പുനഃനാമകരണം ചെയ്യണമെന്നാണ്​ ബി.ജെ.പി ആവശ്യപ്പെടുന്നത്​.

മഹാരാഷ്ട്ര ബി.ജെ.പി അധ്യക്ഷന്‍ ചന്ദ്രകാന്ത് പാട്ടീലാണ്​ പേര്​ മാറ്റണമെന്ന ആവശ്യവുമായി രംഗത്തെത്തിയത്​. തങ്ങള്‍ ഛത്രപതി ശിവജി മഹാരാജി​​​െൻറയും അദ്ദേഹത്തി​​​െൻറ മകന്‍ സാംബാജി മഹാരാജി​​​െൻറയും പിന്‍ഗാമികളാണ്, ഔറംഗസീബി​േൻറതല്ല. അതിനാല്‍, എല്ലാ സാങ്കേതിക പ്രശ്‌നങ്ങളും പരിഹരിച്ച് ഔറംഗബാദിനെ സാംബാജിനഗര്‍ എന്ന് പുനര്‍നാമകരണം ചെയ്യണമെന്ന്​ ചന്ത്രകാന്ത്​ പാട്ടീൽ ആവശ്യപ്പെട്ടു.

17ാം നൂറ്റാണ്ടിൽ മറാത്ത പ്രവിശ്യയി​െല പ്രധാന വ്യാവസായിക നഗരത്തെ മുഗൾ ഭരണാധികാരിയായി ഔറംഗസീബി​​​െൻറ നേതൃത്വത്തിൽ പിടിച്ചെടുത്ത്​ ഡെക്കാൻ പ്രവിശ്യയുടെ തലസ്ഥാനമാക്കി. ഇതിന്​ശേഷമാണ്​ ഈ നഗരത്തെ ഔറംഗബാദ്​ എന്ന്​ നാമകരണം ചെയ്​തത്​.

ഔറംഗബാദിനെ സാംബാജിനഗര്‍ എന്ന് പുനര്‍നാമകരണം ചെയ്യണമെന്ന് ആദ്യം ആവശ്യപ്പെട്ടത് ശിവസേനയാണ്. 1995 ജൂണില്‍ ഔറംഗബാദ് മുനിസിപ്പല്‍ കോര്‍പ്പറേഷ​​െൻറ(എ.എം.സി) ജനറല്‍ ബോഡി യോഗത്തില്‍ ഇത് സംബന്ധിച്ച ഒരു നിര്‍ദേശം പാസാക്കിയിരുന്നു. ഇത് ഹൈകോടതിയിലും പിന്നീട് സുപ്രിം കോടതിയിലും കോണ്‍ഗ്രസ് കോര്‍പറേറ്റര്‍ എതിര്‍ക്കുകയായിരുന്നു.

Show Full Article
TAGS:Aurangabad Sambhajinagar bjp india news 
News Summary - BJP demands Aurangabad be renamed as ‘Sambhajinagar’ - India news
Next Story