യു.പി വെടിവെപ്പ്​: കുറ്റവാളിയെ പിന്തുണച്ച എം.എൽ.എക്ക്​ മുന്നറിയിപ്പുമായി ജെ.പി നദ്ദ

ന്യൂഡൽഹി: ഉത്തർപ്രദേശിലെ ബലിയയിൽ ഒരാളെ വെടിവെച്ച ​കൊന്ന കേസിലെ പ്രതിയെ പിന്തുണച്ച ബി.ജെ.പി എം.എൽ.എക്ക്​ മുന്നറിയിപ്പുമായി പാർട്ടി ദേശീയ അധ്യക്ഷൻ ജെ.പി നദ്ദ. ബി.ജെ.പി എം.എൽ.എ സുരേന്ദ്ര സിങ്ങി​െൻറ പ്രവർത്തിയിൽ ബി.ജെ.പി യു.പി വിഭാഗം തലവനും അദ്ദേഹം മുന്നറിയിപ്പ്​ നൽകി.

ബി.ജെ.പി എം.എൽ.എയുടെ അടുത്ത അനുയായി മുൻ സൈനികനുമായ ധീരേന്ദ്ര സിങ്ങാണ്​ പഞ്ചായത്ത്​ യോഗത്തിനിടെ ഒരാളെ വെടിവെച്ച്​ കൊന്നത്​. സംഭവത്തിന്​​ ശേഷം ഒളിവിൽ പോയ ഇയാളെ കഴിഞ്ഞ ദിവസമാണ്​ സമീപത്തെ ഹൈവേയിൽ നിന്ന്​ പൊലീസ്​ അറസ്​റ്റ്​ ചെയ്​തത്​.

സ്വയം രക്ഷക്കായാണ്​ സുരേന്ദ്രർ സിങ്​ വെടിവെച്ചതെന്നായിരുന്നു ബി.ജെ.പി എം.എൽ.എയുടെ ന്യായീകരണം. യു.പി പൊലീസ്​ ഏകപക്ഷീയമായാണ്​ കേ​സന്വേഷണം നടത്തുന്നതെന്നും അദ്ദേഹം കുറ്റപ്പെടുത്തിയിരുന്നു.