Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightസിന്ധ്യയുടെ തെറ്റ്​...

സിന്ധ്യയുടെ തെറ്റ്​ സചിൻ ചെയ്യരുത്​​, കോൺഗ്രസിൽ മികച്ച ഭാവിയുണ്ട്​ - ദിഗ്​വിജയ സിങ്​

text_fields
bookmark_border
സിന്ധ്യയുടെ തെറ്റ്​ സചിൻ ചെയ്യരുത്​​, കോൺഗ്രസിൽ മികച്ച ഭാവിയുണ്ട്​ - ദിഗ്​വിജയ സിങ്​
cancel

ഭോപ്പാൽ: രാജസ്ഥാൻ കോൺഗ്രസിലെ രാഷ്​ട്രീയ പ്രതിസന്ധി തുടരുന്നതിനിടെ സചിൻ പൈലറ്റിനെക്കുറിച്ച്​ അഭിപ്രായ പ്രകടനവുമായി മുതിർന്ന നേതാവും എം.പിയുമായ ദിഗ്​വിജയ്​ സിങ്​. സചിൻ പൈലറ്റ്​ കോൺ​​ഗ്രസ്​ വിട്ട്​ ബി.ജെ.പിയിലേക്ക്​ പോയ ജ്യോതിരാദിത്യ സിന്ധ്യയുടെ പാത പിന്തുടരരുത്​, അദ്ദേഹത്തിന്​ കോൺഗ്രസിൽ മികച്ച ഭാവിയുണ്ട്​. രാജസ്ഥാനിലെ പ്രതിസന്ധിക്ക്​ പിന്നിൽ ബി.ജെ.പിയാണെന്നും ദിഗ്​വിജയ്​ അഭിപ്രായപ്പെട്ടു.

നിങ്ങൾക്കിനിയും പ്രായം ശേഷിക്കുന്നു. ഗെഹ്​ലോട്ട്​ ചിലപ്പോൾ നിങ്ങളെ ദ്രോഹിച്ചിട്ടുണ്ടാകാം. പക്ഷേ എല്ലാ പ്രശ്​നങ്ങളും സമവായത്തിലൂടെ പരിഹരിക്കാം. സിന്ധ്യ ചെയ്​ത തെറ്റ്​ ആവർത്തിക്കരുത്​. ബി.ജെ.പി വിശ്വാസയോഗ്യമല്ലാത്ത പാർട്ടിയാണ്​. മറ്റുള്ള പാർട്ടികളിൽ നിന്നും വന്നുചേർന്ന ആരും അവിടെ രക്ഷപ്പെട്ടിട്ടില്ല.

സചിൻ എനിക്ക്​ മകനെപ്പോലെയാണ്​. അവൻ എന്നെ ബഹുമാനിക്കുകയും തിരിച്ച്​ ഞാൻ ഇഷ്​ടപ്പെടുകയും ചെയ്​തിരുന്നു. അദ്ദേഹത്തിനെ​ മൂന്നുനാലുതവണ വിളിക്കുകയും സന്ദേശമയക്കുകയും ചെയ്​തു. അദ്ദേഹം പഴയപോലെയല്ല. മുമ്പ്​ പെ​െട്ടന്ന്​ ഫോണെടുക്കാറുണ്ടായിരുന്നു.

പൈലറ്റ്​ പുതിയ പാർട്ടി രൂപീകരിക്കുന്നതായി കേട്ടു. എന്താണ്​ അതി​​െൻറ ആവശ്യം. കോൺ​ഗ്രസ്​ അവന്​ ഒന്നും കൊടുത്തില്ലെന്നാണോ പറയുന്നത്​?. 26 വയസ്സിൽ എം.പിയാക്കി. 32 വയസ്സിൽ കേന്ദ്രമന്ത്രിയായി. 34 വയസ്സിൽ കോൺഗ്രസ്​ സംസ്ഥാന അധ്യക്ഷനാക്കി. 38വയസ്സിൽ ഉപ മുഖ്യമന്ത്രിയാക്കി. ഇതിനപ്പുറം എന്താണ്​ വേണ്ടത്​? ഇനിയും സമയമുണ്ട്​.

കൂടെയുള്ളവരിൽ വിശ്വാസമുണ്ടെങ്കിൽ എന്തിനാണ്​ ​അവരെ ഹോട്ടലിൽ പാർപ്പിച്ചിരിക്കുന്നത്​?. പൈലറ്റ്​ കഴിഞ്ഞതെല്ലാം മറന്ന്​ കോൺഗ്രസിനെ ശക്തിപ്പെടുത്താനായി പ്രവർത്തിക്കണമെന്നും ദിഗ്​വിജയ്​ അഭിപ്രായപ്പെട്ടു. 

Show Full Article
TAGS:Sachin Pilot Digvijaya Singh congress bjp 
Web Title - BJP behind Rajasthan crisis, Sachin Pilot shouldn’t leave Congress, says Digvijaya Singh
Next Story