പത്തനംതിട്ട ഒഴിച്ചിട്ട്​ ബി.ജെ.പിയുടെ രണ്ടാം സ്ഥാനാർഥി പട്ടിക

ന്യൂഡൽഹി: പത്തനംതിട്ട ലോക്​സഭ മണ്ഡലത്തിലെ സ്ഥാനാർഥിയെ പ്രഖ്യാപിക്കാതെ ബി.ജെ.പിയുടെ രണ്ടാംഘട്ട പട്ടിക. 36 മണ് ഡലങ്ങളിലെ സ്ഥാനാർഥികളെയാണ്​ ബി.ജെ.പി രണ്ടാം ഘട്ടത്തിൽ പ്രഖ്യാപിച്ചത്​.

ഒന്നാം ഘട്ടത്തിൽ തെരഞ്ഞെടുപ്പ്​ നടക്കുന്ന ആന്ധ്രപ്രദേശിലെ 23 മണ്ഡലങ്ങളിലെ സ്ഥാനാർഥികളെ പാർട്ടി പ്രഖ്യാപിച്ചു. മഹാരാഷ്​ട്രയിലെ ആറ്​ മണ്ഡലങ്ങൾ, ഒഡീഷയിലെ അഞ്ച്​, അസം, മേഘാലയ തുടങ്ങിയ സംസ്ഥാനങ്ങളിൽ ഓരോ മണ്ഡലങ്ങളിലേയും സ്ഥാനാർഥികളേയാണ്​ പ്രഖ്യാപിച്ചത്​.

ബി.ജെ.പി ദേശീയവക്​താവ്​ സംബിത്​ പാത്ര പുരി ലോക്​സഭ മണ്ഡലത്തിൽ നിന്ന്​ മൽസരിക്കുമെന്ന്​ പാർട്ടി വ്യക്​തമാക്കി.