തമിഴ്നാട്ടിൽ പി.എം.കെക്ക് പത്തു സീറ്റ് നൽകി എൻ.ഡി.എ

വില്ലുപുരം (തമിഴ്നാട്): ​ലോക്സഭ തെരഞ്ഞെടുപ്പിൽ തമിഴ്നാട്ടിൽ ഡോ.എസ്. രാമദാസിന്റെ പാട്ടാളി മക്കൾ കച്ചി (പി.എം.കെ)യുമായി സീറ്റു ധാരണയുണ്ടാക്കി ബി.ജെ.പി. പി.​എം.കെ​ക്ക് എൻ.ഡി.എ പത്തുസീറ്റ് നൽകും.

ബി.ജെ.പി സംസ്ഥാന അധ്യക്ഷൻ കെ. അണ്ണാമലൈയും പി.എം.കെ സ്ഥാപകൻ രാമദാസും ധാരണപത്രത്തിൽ ഒപ്പിട്ടു. വണ്ണിയാർ സമുദായത്തിന് മേൽക്കൈയുള്ള പാർട്ടിയാണ് പി.​എം.കെ. 2014, 2019 ലോക്സഭ തെരഞ്ഞെടുപ്പുകളിലും പി.എം.കെ എൻ.ഡി.എയുടെ ഭാഗമായിരുന്നു.