മമതയുടെ ചിത്രങ്ങൾ മോ​ർ​ഫ്​ ചെയ്​തു​: ബി​.ജെ.​പി നേ​താ​വ്​ സുപ്രീംകോടതിയിലേക്ക്​

കോ​ൽ​ക്ക​ത്ത: പ​ശ്ചി​മ​ബം​ഗാ​ൾ മു​ഖ്യ​മ​ന്ത്രി മ​മ​താ ബാ​ന​ര്‍​ജി​യു​ടെ ചി​ത്രങ്ങൾ മോർഫ്​ ചെയ്​ത്​ സോ​ഷ് യ​ൽ മീ​ഡി​യ​യി​ലൂ​ടെ പ്ര​ച​രി​പ്പി​ച്ച കേ​സി​ൽ അ​റ​സ്റ്റി​ലാ​യ ബി.​ജെ.​പി യുവമോർച്ച വ​നി​താ നേ​താ​വ് പ്രി​ യ​ങ്ക ശ​ർ​മയുടെ ജാ​മ്യാ​പേ​ക്ഷ സു​പ്രീം കോ​ട​തി ചൊ​വ്വാ​ഴ്ച പ​രി​ഗ​ണി​ക്കും. ജ​സ്റ്റീ​സ് ഇ​ന്ദി​ര ബാ​ന​ർ​ജി, ജ​സ്റ്റീ​സ് സ​ഞ്ജീ​വ് ഖ​ന്ന എ​ന്നി​വ​ർ അ​ധ്യ​ക്ഷ​രാ​യ ബെ​ഞ്ചാ​ണ് ഇ​ക്കാ​ര്യം അ​റി​യി​ച്ച​ത്.

ഹൗ​റ​യി​ൽ യു​വ​മോ​ർ​ച്ച​യു​ടെ ക​ൺ​വീ​ന​റാ​യ പ്രി​യ​ങ്ക ശ​ർ​മ വെള്ളിയാഴ്​ചയാണ്​ മോർഫിങ്​ കേസിൽ അറസ്​റ്റിലായത്​. ന്യൂയോർക്കിൽ നടന്ന മെറ്റ്​ ഗാലാ ഫാഷൻ ഇവൻറിൽ പ​ങ്കെടുത്ത ബോ​ളി​വു​ഡ് താ​രം പ്രി​യ​ങ്ക ചോ​പ്രയുടെ ചി​ത്ര​ത്തി​ൽ മ​മ​ത ബാ​ന​ർ​ജി​യു​ടെ മു​ഖം മോ​ർ​ഫ് ചെ​യ്ത് സോ​ഷ്യ​ൽ മീ​ഡി​യ​യി​ൽ പോ​സ്റ്റ് ചെ​യ്യുകയായിരുന്നു. ചിത്രം സമൂഹമാധ്യമങ്ങളിൽ പ്രചരിച്ചതോടെ തൃണമൂൽ കോൺഗ്രസ്​ പരാതി നൽകി.

മുംബൈയിൽ പ്രിയങ്ക ചോപ്ര വോട്ട്​ രേഖപ്പെടുത്തിയ ചിത്രത്തിനോടൊപ്പവും മമതയുടെ മുഖം മോർഫ്​ ചെയ്​ത്​ പ്രചരിപ്പിച്ചിരുന്നു. സം​ഭ​വ​ത്തി​ൽ ഹൗ​റ സൈ​ബ​ർ ക്രൈം​ബ്രാ​ഞ്ചാ​ണ് പ്രി​യ​ങ്ക ശർമ​ക്കെതിരെ കേ​സ് ര​ജി​സ്റ്റ​ർ ചെ​യ്യു​ക​യും പി​ന്നീ​ട് ഇ​വ​രെ അ​റ​സ്റ്റ് ചെ​യ്യു​ക​യും ചെ​യ്ത​ത്.