കോവിഡ്​ രൂക്ഷമായതോടെ ബയോബബ്​ൾ സുരക്ഷയിൽ ഇന്ത്യൻ ശത കോടീശ്വരൻമാർ

കോവിഡ്​ വ്യാപനം രൂക്ഷമായതോടെ ഇന്ത്യൻ ശത കോടീശ്വരൻമാരേറെയും മഹാ നഗരങ്ങളിൽ നിന്നെല്ലാം ഒഴിഞ്ഞ്​ സ്വയമൊരുക്കിയ ബയോബബ്​ൾ സുരക്ഷയിലേക്ക്​ മാറി. കുടുംബാംഗങ്ങളും അടുത്ത ജീവനക്കാരും മാത്രമുള്ള സുരക്ഷിത സംഘമായി പുറം ബന്ധങ്ങൾ ഉപേക്ഷിച്ച്​ കഴിയുകയാണ്​ പലരും. ചിലർ ഡൽഹി മുംബൈ പോലുള്ള വൻ നഗരങ്ങൾ ഒഴിവാക്കി വിദൂര സ്​ഥലങ്ങളിലേക്ക്​ മാറിയിട്ടുണ്ട്​. രാജ്യത്തെ ആരോഗ്യ രംഗം ഏറെക്കുറെ തകരുകയും പുറം രാജ്യങ്ങൾ ഇന്ത്യയിൽ നിന്നുള്ള വിമാനങ്ങൾക്ക്​ നിയന്ത്രണം ഏർപ്പെടുത്തുകയും ചെയ്​തതോടെ അതിജാഗ്രതയിലാണ്​ ശതകോടീശ്വരൻമാരെല്ലാം.

ഏഷ്യയിലെ തന്നെ അതിസമ്പന്നനായ മുകേഷ്​ അംബാനി മുംബൈയിലെ വസതി വിട്ട്​ ഗുജറാത്തിലെ ജാംനഗറിലേക്ക്​ കുടുംബസമേതം മാറി. റിലയൻസി​െൻറ ഒായിൽ റിഫൈനറികളുള്ള ജാംനഗറിൽ പുറംബന്ധങ്ങളൊന്നുമില്ലാതെ കഴിയുകയാണ്​ അദ്ദേഹമെന്ന്​ എൻ.ഡി.ടി.വി റിപ്പോർട്ട്​ ചെയ്​തു.

അതേസമയം, കോവിഡ്​ രക്ഷാ പ്രവർത്തനത്തി​െൻറ ഭാഗമായി ഒാക്​സിജനടക്കമുള്ളവ സംവിധാനിക്കുന്ന പ്രവർത്തനങ്ങൾ ത്വരിതപ്പെടുത്താനാണ്​ മുകേഷ്​ അംബാനി ജാംനഗറിലെത്തിയതെന്ന്​ പ്രാദേശിക മാധ്യമങ്ങൾ റിപ്പോർട്ട്​ ചെയ്​തു. ഏതായാലും പുറം ബന്ധങ്ങളൊന്നുമില്ലാതെയാണ്​ അദ്ദേഹവും കുടുംബവും ഇപ്പോൾ കഴിയുന്നത്​. മുകേഷ്​ അംബാനിയുടെ കുടുംബാംഗങ്ങളും അടുത്ത ജീവനക്കാരും മാത്രമാണ്​ പരസ്​പരം ബന്ധപ്പെടുന്നത്​. ഇവരാരും പുറത്തുനിന്നുള്ള ആരുമായും ബന്ധപ്പെടാതെ ബയോബബ്​ൾ സുരക്ഷ ഉറപ്പാക്കിയിട്ടുണ്ട്​.

ഇന്ത്യയിലെ മറ്റൊരു അതിസമ്പന്നനായ ഗൗതം അദാനി അഹമ്മദാബാദി​െൻറ പ്രാന്തപ്രദേശത്തുള്ള ​വസതിയിലാണിപ്പോൾ. മകൻ കരൺ അദാനി അടക്കമുള്ള കുടുംബാംഗങ്ങളും ജീവനക്കാരുമാണ്​ കൂടെയുള്ളത്​. ഇവരാരും പുറത്തുള്ള ആരുമായും ബന്ധപ്പെടാതെ സുരക്ഷയൊരുക്കിയാണ്​ അവിടെ കഴിയുന്നതത്​.

ബൈജൂസ്​ ആപ്​ സ്​ഥാപകനായ ശതകോടീശ്വരൻ ബൈജു രവീന്ദ്രൻ ബാംഗ്ലൂരിലെ വസതിയിൽ കുടുംബത്തോടൊപ്പം പുറംലോക ബന്ധങ്ങൾ ഉപേക്ഷിച്ച്​ കഴിയുകയാണ്​. അടുത്ത ജീവനക്കാർ മാത്രമാണ്​ കൂടെയുള്ളത്​.

അടുത്ത ജീവനക്കാരും കുടുംബാംഗങ്ങളും മാത്രമായി പുറം ബന്ധങ്ങളില്ലാതെ കഴിയുകയാണെന്ന്​ ഇൻഫോസിസ്​ സഹസ്​ഥാപകൻ ക്രിസ്​ ഗോപാലകൃഷ്​ണൻ പറഞ്ഞു. വീട്ടിൽ പാചകം ചെയ്യുന്ന ഭക്ഷണം മാത്രമാണ്​ ഇപ്പോൾ കഴിക്കുന്നതെന്നും അദ്ദേഹം പറഞ്ഞു.

ഇൻഫോസിസി​െൻറ മറ്റൊരു സഹസ്​ഥാപകനായ നന്ദൻ നിലേകനി, ഡിക്​സൺ ടെക്​നോളജീസ്​ സ്​ഥാപകൻ സുനിൽ വചനി തുടങ്ങിയവരൊക്കെ ഇങ്ങനെ പുറമെ നിന്നുള്ള ബന്ധങ്ങളെല്ലാം ഉപേക്ഷിച്ച്​ ബുയാബബ്​ൾ സുരക്ഷയിൽ കോവിഡിനെ പ്രതിരോധിക്കുകയാണ്​.