യു.പിയിൽ എസ്​.ടി പട്ടിക ഭേദഗതിക്കൊരുങ്ങി ബി.ജെ.പി; ലക്ഷ്യം തെരഞ്ഞെടുപ്പെന്ന്​

ന്യൂഡൽഹി: രാജ്യത്തെ അഞ്ചു സംസ്​ഥാനങ്ങളിൽ നിയമസഭ തെരഞ്ഞെടുപ്പ്​ പ്രഖ്യാപിച്ചതോടെ 'ജാതി രാഷ്​ട്രീയ'ത്തിൽ ഊന്നി ബി.ജെ.പിയുടെ നീക്കം. തെരഞ്ഞെടുപ്പ്​ നടക്കാനിരിക്കുന്ന ഉത്തർപ്രദേശിൽ പട്ടിക വർഗ വിഭാഗത്തിന്‍റെ പട്ടിക ഭേദഗതിചെയ്യാനാണ്​​ കേന്ദ്ര -സംസ്​ഥാന സർക്കാറുകളുടെ നീക്കം. പാർലമെന്‍റിന്‍റെ ശൈത്യകാല സമ്മേളനത്തിൽ പട്ടിക വിപുലീകരണവുമായി ബന്ധപ്പെട്ട ഭേദഗതി വരുത്താനുള്ള നിയമനിർമാണ നിർദേശം സർക്കാർ മുന്നോട്ടുവെക്കും. ത്രിപുരയിലും സമാനമായ ഭേദഗതി ബിൽ അവതരിപ്പിച്ചേക്കും. തൃണമൂൽ കോൺഗ്രസിൽനിന്ന്​ കടുത്ത വെല്ലുവിളി ബി.ജെ.പി നേരിടുന്ന സംസ്ഥാനമാണ്​ ത്രിപുര.

26 പുതിയ ബില്ലുകളും ഇതിനകം അവതരിപ്പിച്ച മറ്റു മൂന്നു ബില്ലുകളുമാണ്​ പാർലമെന്‍റിന്‍റെ ​ശൈത്യകാല സമ്മേളനത്തിൽ ചർച്ചയാകുക. കഴിഞ്ഞവർഷം പാർല​െമന്‍റ്​ പാസാക്കിയ മൂന്ന്​ കാർഷിക നിയമങ്ങൾ പിൻവലിക്കുന്നതുമായി ബന്ധപ്പെട്ട ബില്ലുകളാണ്​ ഇതിൽ ഉൾപ്പെടുക. ചൊവ്വാഴ്ച ലോക്​സഭ പുറത്തിറക്കിയ ബുള്ളറ്റിനിൽ ഈ ബില്ലുകളും ഉൾപ്പെടുത്തിയിട്ടുണ്ട്​.

സംസ്​ഥാന സർക്കാറിന്‍റെ ശിപാർശയെ തുടർന്ന്​ പാർല​െമന്‍റ്​ ഈ വർഷം ആദ്യം തമിഴ്​നാട്ടിലെ പട്ടികജാതി ​പട്ടികയിൽ ഭേദഗതി വരുത്തിയിരുന്നു. എന്നാൽ, യു.പി സർക്കാർ ഇതുവരെ ഇത്തരമൊരു നിർദേശം മുന്നോട്ടുവെച്ചിട്ടില്ലെന്ന്​ യു.പി കാബിനറ്റ് മന്ത്രി പ്രതികരിച്ചു. എന്നാൽ, ചില സമുദായങ്ങളുടെ ദീർഘകാലത്തെ ആവശ്യങ്ങൾ പരിഗണിച്ച്​​ പാർല​െമന്‍റിന്​​ സ്വന്തം നിലയിൽ സംസ്​ഥാനത്തെ എസ്​.ടി പട്ടികയിൽ ഭേദഗതി വരുത്താൻ ​സാധിക്കുമെന്നും അദ്ദേഹം പറഞ്ഞു.

തമിഴ്​നാട്ടിലെ നിയമസഭ തെരഞ്ഞെടുപ്പിന്​ മുന്നോടിയായി ചില സമുദായങ്ങളെ എസ്​.സി പട്ടികയിൽ ഉൾപ്പെടുത്തിയിരുന്നു.

ഉത്തർപ്രദേശിൽ മത്സ്യത്തൊഴിലാളികളെ എസ്​.ടി പട്ടികയിൽ ഉൾപ്പെടുത്തണമെന്ന ആവശ്യം നിരന്തരം ഉയർന്നിരുന്നു. തെരഞ്ഞെടുപ്പിൽ നിർണായക സ്ഥാനം വഹിക്കാൻ കഴിയുന്നവരാണ്​ മത്സ്യത്തൊഴിലാളികൾ. ഇത്​ മുന്നിൽകണ്ടാണ്​ നീക്കമെന്നാണ്​ വിലയിരുത്തൽ.