ബിൽക്കീസ്​ ബാനു കേസ്​; പൊലീസുകാർക്കെതിരായ നടപടി അറിയിക്കണം -സു​പ്രീംകോടതി

ന്യൂഡൽഹി: ബിൽക്കീസ്​ ബാനു കൂട്ട ബലാത്സംഗക്കേസിൽ പൊലീസുകാർക്കെതിരെ സ്വീകരിച്ച അച്ചടക്ക നടപടി അറിയിക്കാൻ ഗുജറാത്ത്​ സർക്കാറിന്​ സു​പ്രീംകോടതി ആറാഴ്​ച സമയം അനുവദിച്ചു. അഡീഷനൽ സോളിസിറ്റർ ജനറൽ തുഷാർ മേത്തയുടെ ആവശ്യം അംഗീകരിച്ചാണ്​ ചീഫ്​ ജസ്​റ്റിസ്​ ദീപക്​ മി​ശ്ര, ജസ്​റ്റിസുമാരായ എ.എം. ഖാൻവിൽകർ. ഡി.വൈ. ചന്ദ്രചൂഡ്​ എന്നിവരടങ്ങുന്ന ബെഞ്ച്​ സമയം അനുവദിച്ചത്​. ജനുവരി ആദ്യവാരം കേസ്​ വീണ്ടും പരിഗണിക്കും. 

അതേസമയം, ബിൽക്കീസ്​ ബാനുവിന്​ അനുവദിച്ച നഷ്​ടപരിഹാരം വർധിപ്പിക്കണമെന്നാവശ്യപ്പെട്ട്​ സമർപ്പിച്ച ഹരജിയിൽ അടുത്തയാഴ്​ച തന്നെ വാദം കേൾക്കും. ബിൽക്കീസ്​ ബാനു കേസിൽ ശിക്ഷിക്കപ്പെട്ട പൊലീസ്​ ഒാഫിസർമാർ​െക്കതിരെ സ്വീകരിച്ച നടപടി  അറിയിക്കാൻ കഴിഞ്ഞ മാസം 23വരെ സുപ്രീം കോടതി സമയം അനുവദിച്ചിരുന്നു. 

ബലാത്സംഗക്കേസിൽ 12 പേർക്ക്​ പ്രത്യേക സി.ബി.​െഎ കോടതി 2008ൽ നൽകിയ ജീവപര്യന്തം ശിക്ഷ മേയ്​ നാലിന്​ ​േബാംബെ ഹൈകോടതി ശരിവെച്ചിരുന്നു. കൃത്യനിർവഹണത്തിൽ വീഴ്​ച വരുത്തിയതിന്​ അഞ്ച്​ പൊലീസ്​ ഒാഫിസർമാരും, രണ്ട്​ ഡോക്​ടർമാരും ശിക്ഷിക്കപ്പെട്ടിരുന്നു. ഗർഭിണിയായ ബിൽക്കീസ്​ ബാനു 2002 മാർച്ചിലാണ്​ കൂട്ട ബലാത്സംഗത്തിനിരയായത്​. അക്രമികൾ കുടുംബത്തിലെ ഏഴു പേരെ കൊലപ്പെടുത്തുകയും ​െചയ്​തു.