ബി​ൽ​ക്കീ​സ് ബാ​നു കേ​സ്: കുറ്റവാളികളുടെ ക്രൂരത സുപ്രീംകോടതിയിൽ വിവരിച്ച് കപിൽ സിബൽ

ന്യൂ​ഡ​ൽ​ഹി: ബി​ൽ​ക്കീ​സ് ബാ​നു കേ​സി​ലെ കു​റ്റ​വാ​ളി​ക​ൾ ചെ​യ്ത ക്രൂ​ര​ത​യു​ടെ കാ​ഠി​ന്യം സു​പ്രീം​കോ​ട​തി​ക്ക് മു​മ്പാ​കെ മു​തി​ർ​ന്ന അ​ഭി​ഭാ​ഷ​ക​ൻ ക​പി​ൽ സി​ബ​ൽ വി​വ​രി​ച്ചു. കു​റ്റ​വാ​ളി​ക​ളെ വി​ട്ട​യ​ച്ച ഗു​ജ​റാ​ത്ത് സ​ർ​ക്കാ​റി​ന്റെ തീ​രു​മാ​ന​ത്തി​നെ​തി​രെ ഹ​ര​ജി ന​ൽ​കി​യ സി.​പി.​എം നേ​താ​വ് സു​ഭാ​ഷി​ണി അ​ലി​ക്കു​വേ​ണ്ടി കോടതിയിൽ ഹാ​ജ​രാ​യപ്പോഴായിരുന്നു സിബലിന്റെ വിശദീകരണം.

ഗു​ജ​റാ​ത്ത് വം​ശ​ഹ​ത്യ​ക്കി​ടെ അ​നേ​ക​മാ​ളു​ക​ൾ കൊ​ല്ല​പ്പെ​ടു​ക​യും വീ​ടു​ക​ൾ കൊ​ള്ള​യ​ടി​ക്ക​പ്പെ​ടു​ക​യും ചെ​യ്ത​ത് ​​ക​ണ്ട് 2002 ഫെ​ബ്രു​വ​രി 28ന് ​മു​സ്‍ലിം​ക​ൾ പ​ലാ​യ​നം ചെ​യ്യു​ക​യാ​യി​രു​ന്നു. ബി​ൽ​ക്കീ​സ് ബാ​നു​വും അ​വ​രു​ടെ കു​ടും​ബ​വും ഒ​രു ഗ്രാ​മ​ത്തി​ൽ​നി​ന്ന് മ​​റ്റൊ​രു ഗ്രാ​മ​ത്തി​ലേ​ക്ക് എ​ന്ന ത​ര​ത്തി​ൽ ജീ​വ​നും​കൊ​ണ്ടോ​ടു​ക​യാ​യി​രു​ന്നു. മ​റ്റൊ​രു ഗ്രാ​മ​ത്തി​ലെ​ത്തി​യ​പ്പോ​ൾ കൂ​ടെ​യു​ണ്ടാ​യി​രു​ന്ന പൂ​ർ​ണ ഗ​ർ​ഭി​ണി​യാ​യ ബി​ൽ​ക്കീ​സി​ന്റെ അ​ന​ന്ത​ര​വ​ൾ ശ​മീം അ​ന്നു രാ​ത്രി പെ​ൺ​കു​ഞ്ഞി​ന് ജ​ന്മം ന​ൽ​കി. എ​ന്നാ​ൽ, അ​വി​ടെ​യും സു​ര​ക്ഷി​ത​മ​ല്ലെ​ന്ന് ക​ണ്ട് പി​റ്റേ​ന്ന് പു​ല​ർ​ച്ച അ​വി​ടെ നി​ന്ന് മ​റ്റൊ​രു ഗ്രാ​മ​ത്തി​ലേ​ക്ക് ര​ക്ഷ​പ്പെ​ടു​ന്ന​തി​നി​ട​യി​ലാ​ണ് ര​ണ്ടു വാ​ഹ​ന​ങ്ങ​ളി​ലാ​യി വ​ന്ന 25ഓ​ളം പേ​ർ ബി​ൽ​ക്കീ​സി​നെ​യും സം​ഘ​ത്തെ​യും ത​ട​ഞ്ഞു​നി​ർ​ത്തി മു​സ്‍ലിം​ക​ളെ കൊ​ല്ലൂ എ​ന്നാ​വ​ശ്യ​പ്പെ​ട്ട​ത്. അ​വ​രു​ടെ കൈ​ക​ളി​ൽ വാ​ളു​ക​ളും ക​ത്തി​ക​ളും ദ​ണ്ഡു​ക​ളു​മു​ണ്ടാ​യി​രു​ന്നു. ഇ​തെ​ല്ലാം കേ​സു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ളാ​ണെ​ന്ന് ക​പി​ൽ സി​ബ​ൽ ബോ​ധി​പ്പി​ച്ചു.

എ​ന്നാ​ൽ, ജീ​വ​പ​ര്യ​ന്തം ത​ട​വി​ന് ശി​ക്ഷി​ക്ക​പ്പെ​ട്ട കു​റ്റ​വാ​ളി​ക​ൾ​ക്ക് സാ​ധാ​ര​ണ ശി​ക്ഷാ ഇ​ള​വ് ന​ൽ​കാ​റു​ള്ള​ത​ല്ലേ​യെ​ന്ന് സു​പ്രീം​കോ​ട​തി ചോ​ദി​ച്ചു. ബി​ൽ​ക്കീ​സ് ബാ​നു​വി​നെ​യ​ട​ക്കം കൂ​ട്ട ബ​ലാ​ത്സം​ഗ​ത്തി​നി​ര​യാ​ക്കി​യ​തി​​നും കു​ടും​ബ​ത്തി​ലെ ഏ​ഴു​പേ​രെ കൂ​ട്ട​ക്കൊ​ല ന​ട​ത്തു​ക​യും ചെ​യ്ത​തി​ന് 2008 ജ​നു​വ​രി 21ന് ​മും​ബൈ​യി​ലെ പ്ര​ത്യേ​ക സി.​ബി.​ഐ കോ​ട​തി​യാ​ണ് 11 പ്ര​തി​ക​ളെ ജീ​വ​പ​ര്യ​ന്തം ത​ട​വി​ന് ശി​ക്ഷി​ച്ച​ത്. ഇ​വ​രെ​യാ​ണ് ഗു​ജ​റാ​ത്ത് സ​ർ​ക്കാ​ർ വി​ട്ട​യ​ച്ച​ത്. അ​യ​ൽ​ക്കാ​രും പ​രി​ച​യ​ക്കാ​രു​മാ​യ പ്ര​തി​ക​ളാ​ൽ കൂ​ട്ട​ബ​ലാ​ത്സം​ഗ​ത്തി​നി​ര​യാ​കു​​മ്പോ​ൾ ബി​ൽ​ക്കീ​സ് ബാ​നു ഗ​ർ​ഭി​ണി​യാ​യി​രു​ന്നു.