ബിഹാറിൽ ബി.എസ്​.പിക്ക്​ തിരിച്ചടി; സംസ്​ഥാന അധ്യക്ഷൻ ആർ.ജെ.ഡിയിൽ

പട്​ന: ബിഹാറിൽ നിയമസഭ തെരഞ്ഞെടുപ്പ്​ അടുത്തിരിക്കേ ബഹുജൻ സമാജ്​ പാർട്ടിക്ക്​ (ബി.എസ്​.പി) കനത്ത തിരിച്ചടി നൽകി​ സംസ്​ഥാന അധ്യക്ഷൻ രാഷ്​ട്രീയ ജനതാ ദളിൽ (ആർ.ജെ.ഡി) ചേർന്നു. ആർ.ജെ.ഡി നേതാവ്​ തേജസ്വി യാദവ്​ ഭരത്​ ബിന്ദിന്​ പാർട്ടി അംഗത്വം നൽകി.

മുൻ കേന്ദ്രമന്ത്രി ഉപേന്ദ്ര കുശ്​വാഹയുടെ രാഷ്​ട്രീയ ലോക്​ സമത പാർട്ടിയുമായി സഖ്യം ചേർന്നാണ്​ ബി.എസ്​.പി ബിഹാറിൽ മത്സരിക്കുന്നത്​. കോൺഗ്രസും ഇടത്​ പാർട്ടികളും ഉൾക്കൊള്ളുന്ന മഹാസഖ്യത്തി​െൻറ ഭാഗമാണ്​ ആർ.ജെ.ഡി.

ഭരണകക്ഷിയായ ബി.ജെ.പിയും ജനതാദളും (യു) അണിനിരക്ക​ുന്ന എൻ.ഡി.എക്കെതിരെയാണ്​ ഇരു മുന്നണികളുടെയും പോരാട്ടം. ഒക്​ടോബർ 28, നവംബർ മൂന്ന്​, ഏഴ് തിയതികളിലായി മൂന്ന്​ ഘട്ടങ്ങളായാണ്​ തെരഞ്ഞെടുപ്പ്​. നവംബർ 10ന്​ ഫലം പ്രഖ്യാപിക്കും.​