'വോട്ട് ബന്ദി’ക്കെതിരെ ഇന്ന് ബിഹാർ ബന്ദ്

ന്യൂ​ഡ​ൽ​ഹി: ‘വോ​ട്ട് ബ​ന്ദി’​യെ​ന്ന് പ്ര​തി​പ​ക്ഷ​വും ബി​ഹാ​റു​കാ​രും വി​ളി​ക്കു​ന്ന വോ​ട്ട​ർ​പ​ട്ടി​ക തീ​വ്ര​പു​നഃ​പ​രി​ശോ​ധ​ന​ക്കെ​തി​രെ ഇ​ന്ന് ഇ​ൻ​ഡ്യ സ​ഖ്യ​ത്തി​ന്റെ ബി​ഹാ​ർ ബ​ന്ദ്. സം​സ്ഥാ​ന​ത്തെ റോ​ഡു​ക​ൾ ഉ​പ​രോ​ധി​ക്കു​ക​യും വാ​ഹ​ന ഗ​താ​ഗ​തം ത​ട​യു​ക​യും ചെ​യ്യു​ന്ന ‘സ​മ്പൂ​ർ​ണ പ​ണി​മു​ട​ക്കി’​ന് നേ​തൃ​ത്വം കൊ​ടു​ക്കാ​ൻ പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി ബു​ധ​നാ​ഴ്ച രാ​വി​ലെ പ​ട്‌​ന​യി​ൽ എ​ത്തും. അ​ടി​യ​ന്ത​ര സേ​വ​ന​ങ്ങ​ളെ ബ​ന്ദി​ൽ​നി​ന്ന് ഒ​ഴി​വാ​ക്കി​യി​ട്ടു​ണ്ട്.

ബി​ഹാ​ർ പ്ര​തി​പ​ക്ഷ നേ​താ​വ് തേ​ജ​സ്വി യാ​ദ​വി​നൊ​പ്പം രാ​ഹു​ൽ ഗാ​ന്ധി പ​ട്ന​യി​ലെ ‘ഇ​ൻ​കം ടാ​ക്സ് ക​വ​ല മു​ത​ൽ നി​യ​മ​സ​ഭ​ക്ക​ടു​ത്തു​ള്ള ര​ക്ത​സാ​ക്ഷി സ്മാ​ര​കം വ​രെ​യും അ​വി​ടെ​നി​ന്ന് പ​ട്ന​യി​ലെ തെ​ര​ഞ്ഞെ​ടു​പ്പ് ക​മീ​ഷ​ൻ ഓ​ഫി​സി​ലേ​ക്കും മാ​ർ​ച്ച് ന​യി​ക്കും. സാ​ധാ​ര​ണ​ക്കാ​രു​ടെ​യും വോ​ട്ട​ർ​മാ​രു​ടെ​യും ആ​ശ​ങ്ക ബി​ഹാ​ർ ​ബ​ന്ദി​ൽ പ്ര​തി​ഫ​ലി​ക്കു​മെ​ന്ന് തേ​ജ​സ്വി യാ​ദ​വും ബി​ഹാ​ർ പ്ര​ദേ​ശ് കോ​ൺ​ഗ്ര​സ് ക​മ്മി​റ്റി പ്ര​സി​ഡ​ന്റ് രാ​ജേ​ഷ് കു​മാ​റും വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

ബി​ഹാ​ർ സ്തം​ഭി​ക്കു​ന്ന ബ​ന്ദി​ൽ രാ​ഹു​ൽ ഗാ​ന്ധി​യു​ടെ നേ​തൃ​ത്വ​ത്തി​ൽ മു​ഴു​വ​ൻ പ്ര​തി​പ​ക്ഷ ക​ക്ഷി​ക​ളും അ​ണി​നി​ര​ക്കു​മെ​ന്നും തേ​ജ​സ്വി യാ​ദ​വ് പ​റ​ഞ്ഞു. ഈ ​മാ​സം അ​ഞ്ചി​ന് ആ​ർ‌.​ജെ.‌​ഡി പ്ര​തി​നി​ധി സം​ഘം ക​മീ​ഷ​നെ ക​ണ്ട് വോ​ട്ട​ർ​പ​ട്ടി​ക തീ​വ്ര​പു​നഃ​പ​രി​ശോ​ധ​ന​യെ​കു​റി​ച്ചു​ള്ള ആ​ശ​ങ്ക​ക​ളും സം​ശ​യ​ങ്ങ​ളും ഉ​ന്ന​യി​ച്ച​താ​ണ്. എ​ന്നാ​ൽ, അ​വ​ക്ക് ക​മീ​ഷ​ൻ മ​റു​പ​ടി​യോ വി​ശ​ദീ​ക​ര​ണ​മോ ന​ൽ​കി​യി​ട്ടി​ല്ല.

ബി​ഹാ​റി​ലെ തെ​ര​ഞ്ഞെ​ടു​പ്പ് ക​മീ​ഷ​ൻ ഓ​ഫി​സ് പോ​സ്റ്റ് ഓ​ഫി​സ് പോ​ലെ​യാ​ണ് പ്ര​വ​ർ​ത്തി​ക്കു​ന്ന​തെ​ന്നും ചോ​ദ്യ​ങ്ങ​ൾ​ക്ക് ഉ​ത്ത​രം ന​ൽ​കാ​നാ​കു​ന്നി​ല്ലെ​ന്നും തേ​ജ​സ്വി കൂ​ട്ടി​ച്ചേ​ർ​ത്തു. വോ​ട്ട​ർ​പ​ട്ടി​ക​യി​ൽ പേ​ര് നി​ല​നി​ർ​ത്താ​ൻ തെ​ര​ഞ്ഞെ​ടു​പ്പ് ക​മീ​ഷ​ൻ ആ​വ​ശ്യ​പ്പെ​ടു​ന്ന 11 രേ​ഖ​ക​ൾ ബി​ഹാ​റി​ലെ 90 ശ​ത​മാ​നം ആ​ളു​ക​ളു​ടെ​യും പ​ക്ക​ൽ ഇ​ല്ലെ​ന്ന് രാ​​ജേ​ഷ് കു​മാ​ർ പ​റ​ഞ്ഞു. അ​വ സം​ഘ​ടി​പ്പി​ക്കാ​ൻ വ​ള​രെ​യ​ധി​കം സ​മ​യ​മെ​ടു​ക്കും. എ​ന്നി​ട്ടും ഇ​തു വ​ള​രെ തി​ടു​ക്ക​ത്തി​ൽ ചെ​യ്യു​ന്ന​ത് വോ​ട്ട​വ​കാ​ശം നി​ഷേ​ധി​ക്കാ​നു​ള്ള ത​ന്ത്ര​മാ​ണെന്നും അ​ദ്ദേ​ഹം കൂട്ടിച്ചേർത്തു.