അഭയകേന്ദ്രത്തിലെ പീഡനം: ബാലാവകാശ കമ്മീഷൻ റിപ്പോർട്ട്​ സർക്കാർ അവഗണിച്ചു​

പാട്​ന: ബിഹാറിലെ മുസഫർപൂർ അഭയകേന്ദ്രത്തിൽ പെൺകുട്ടികൾ പീഡിപ്പിക്കപ്പെടുകയാണെന്ന റിപ്പോർട്ട്​ ബാലാവകാശ കമ്മീഷൻ ഉന്നതാധികാര സമിതി സർക്കാറി​​​​െൻറ ശ്രദ്ധയിൽ പെടുത്തിയിട്ടുണ്ടെന്ന്​ റിപ്പോർട്ട്​. അഭയകേന്ദ്രം എത്രയും പെ​െട്ടന്ന്​ മുസർപൂരിൽ നിന്ന്​ മാറ്റണമെന്നും ബാലാവകാശ കമ്മീഷൻ ആവശ്യപ്പെട്ടിരുന്നു. എന്നാൽ അഭയ​ കേ​ന്ദ്രം സന്ദർശിച്ച്​ നൽകിയ ഇൗ റിപ്പോർട്ട്​ ജില്ലാ അധികൃതർ അവഗണിച്ചുവെന്ന്​ ബലാവകാശ കമ്മീഷൻ സംസ്​ഥാന അധ്യക്ഷ ഡോ. ഹർപാൽ കൗർ പറഞ്ഞു.

കഴിഞ്ഞ വർഷം നവംബറിലാണ്​ അഭയകേന്ദ്രം സന്ദർശിച്ച്​​ റിപ്പോർട്ട്​ നൽകിയത്​. ജില്ലാ അധികൃതരെ ഇൗ റിപ്പോർട്ടിനെ കുറിച്ച്​ വീണ്ടും ഒാർമിപ്പിക്കുകയും ചെയ്​തിരുന്നു. എന്നാൽ ഒരു നടപടിയും സ്വീകരിച്ചില്ലെന്നും കൗർ എൻ.ഡി.ടി.വിയോട്​ പറഞ്ഞു. കുട്ടികൾക്ക്​ വിദ്യാഭ്യാസത്തിനോ തൊഴിൽ പരിചയത്തിനോ പ്രത്യേക സംവിധാനങ്ങളൊന്നും ഒരുക്കിയിരുന്നില്ലെന്നും  ബാലാവകാശ കമ്മീഷ​​​​െൻറ റിപ്പോർട്ടിലുണ്ട്​. 

​സേവ സങ്കൽപ്​ ഒാർ വികാസ്​ സമിതി എന്ന സന്നദ്ധ സംഘടനയുടെ നേതാവായ ബ്രജേഷ്​ താക്കൂർ എന്നയാളുടെ വീട്ടുപരിസരത്താണ്​ അഭയ കേന്ദ്രം പ്രവർത്തിച്ചത്​. അത്​ ശരിയായ നടപടിയാണെന്ന്​ കരുതുന്നില്ലെന്നും ഡോ. കൗർ പറഞ്ഞു. ഏഴുവയസുള്ള കുട്ടിയുൾപ്പെടെ 33 പെൺകുട്ടികളാണ്​ അഭയ കേന്ദ്രത്തിൽ പീഡനത്തിനിരയായതെന്ന്​ പൊലീസ്​ അന്വേഷണത്തിൽ തെളിഞ്ഞിരുന്നു​. കുട്ടികൾക്ക്​ സ്​ഥിരം മയക്കുമരുന്ന്​ നൽകുകയും നഗ്​​നരായി ഉറങ്ങാൻ നിർബന്ധിക്കുകയും ചെയ്​തിരുന്നു. ഉറക്കത്തിൽ ബലാത്​സംഗം ചെയ്യുകയും ചെയ്​തിരുന്നു. 

കുട്ടികൾ കരഞ്ഞുകൊണ്ട്​ അവി​െട താമസിക്കാൻ താത്​പര്യമില്ലെന്ന്​ തന്നെ അറിയിച്ചിരുന്നുവെന്ന്​ കൗർ പറഞ്ഞു. എന്നാൽ  കൂടുതൽ പീഡന വിവരം അവർ ​െവളി​െപ്പടുത്തിയിരുന്നില്ല. അഭയകേന്ദ്രം ജീവനക്കാർ അവി​െട ഉണ്ടായിരുന്നതിനാലാണ്​ കുട്ടികൾ സംസാരിക്കാൻ തയാറാകാതിരുന്നത് എന്നും കൗർ പറഞ്ഞു. ഇതേ തുടർന്ന്​ സംസ്​ഥാനത്തെ മറ്റ്​ 170 ഒാളം ​അഭയ​േകന്ദ്രങ്ങളിലും തങ്ങൾ പരിശോധന നടത്തിയിരുന്നു. ഇവിടെ എന്തോ കാര്യമായ പ്രശ്​നമുണ്ടെന്ന്​ വ്യക്​തമായിരുന്നെങ്കിലും ഇത്രമാത്രം ക്രൂരമായിരുന്നെന്ന്​ അറിഞ്ഞിരുന്നില്ലെന്നും കൗർ പറഞ്ഞു.