Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightബലാത്സംഗകേസിലെ...

ബലാത്സംഗകേസിലെ പ്രതികൾക്ക്​ സീറ്റില്ലെന്ന് ആർ.ജെ.ഡി; ​പകരം ഭാര്യമാർ മത്സരിക്കും

text_fields
bookmark_border
ബലാത്സംഗകേസിലെ പ്രതികൾക്ക്​ സീറ്റില്ലെന്ന് ആർ.ജെ.ഡി; ​പകരം ഭാര്യമാർ മത്സരിക്കും
cancel
camera_alt

രാജ്​ ഭല്ലാ യാദവ്​

പാട്​ന: ബിഹാറിൽ ആദ്യ സ്ഥാനാർഥി പട്ടിക പുറത്തുവിട്ട്​ ലാലു പ്രസാദ്​ യാദവി​െൻറ ആർ.ജെ.ഡി. ബലാത്സംഗ കേസുകളിൽ പ്രതികളായ രണ്ട്​ എം.എൽ.എമാർക്ക്​ സീറ്റ്​ നിഷേധിച്ച്​ പകരം ആ സീറ്റുകൾ അവരുടെ ഭാര്യമാർക്ക്​ നൽകിയതാണ്​ ആർ.ജെ.ഡി സ്ഥാനാർഥി പട്ടികയുടെ പ്രധാന പ്രത്യേകത. യു.പിയിലെ ഹാഥറസ്​ ബലാത്സംഗകേസിൽ പ്രതിപക്ഷം ബി.ജെ.പിക്കും യോഗി ആദിത്യനാഥ്​ സർക്കാറിനുമെതിരെ വിമർശനം ശക്​തമാക്കുന്നതിനിടെയാണ്​ സമാനകേസുകളിൽ ഉൾപ്പെട്ടവർക്ക്​ സീറ്റ്​ നിഷേധിക്കുന്നത്​.

പ്രായപൂർത്തിയാകാത്ത പെൺകുട്ടിയെ പീഡിപ്പിച്ചതിന്​ ജയിലിൽ കഴിയുന്ന ആർ.ജെ.ഡി നേതാവ്​ രാജ്​ ബല്ലാ യാദവി​െൻറ സീറ്റ്​ ഭാര്യ വിദ ദേവിക്ക്​ നൽകി. നവാദ സീറ്റിലാവും വിദ ദേവി മത്സരിക്കുക. സമാന കേസിൽ ഉൾപ്പെട്ട അരുൺ യാദവി​െൻറ സീറ്റ്​ ഭാര്യ കിരൺ ദേവിക്ക്​ നൽകി.

നിലവിൽ പുറത്തുവിട്ട സ്ഥാനാർഥി പട്ടിക അന്തിമമല്ലന്ന്​ ആർ.ജെ.ഡി അറിയിച്ചിട്ടുണ്ട്​. സീറ്റുകളുടെ വീതംവെപ്പുമായി ബന്ധപ്പെട്ട്​ കോൺഗ്രസുമായും ഇടത്​ പാർട്ടികളുമായും കൂടുതൽ ചർച്ചകളുണ്ടാവുമെന്നും ആർ.ജെ.ഡി നേതൃത്വം അറിയിച്ചു. ഝാർഖണ്ഡ്​ മുക്​തി മോർച്ച ബിഹാറിൽ 15 സീറ്റുകൾ ചോദിച്ചിട്ടുണ്ട്​. എന്നാൽ ഈ ആവശ്യം ആർ.ജെ.ഡി അംഗീകരിക്കാനിടയില്ല.

Show Full Article
TAGS:bihar RJD rape case 
Web Title - Bihar: RJD denies ticket to rape-accused, gives it to their wives
Next Story