മുസഫർപൂർ ബലാൽസംഗ കേസ്: ബിഹാർ മന്ത്രി രാജിവെച്ചു

പാട്​ന: ഭർത്താവ്​ ചന്ദേശ്വർ വെർമ്മയുമായി മുസഫർപൂർ ബലാൽസംഗ കേസിലെ പ്രതിക്കുള്ള അടുപ്പം വിവാദമായതോടെ സംസ്​ഥാന സാമൂഹ്യ ക്ഷേമ വകുപ്പ്​ മന്ത്രി മഞ്​ജു ​െവർമ്മ രാജി വെച്ചു. ബിഹാർ മുസഫർപൂരിലെ അഭയ കേന്ദ്രത്തിൽ 34 പെൺകുട്ടികൾ ബലാൽസംഗം ചെയ്യപ്പെട്ട കേസിലെ പ്രതി ബ്രജേഷ്​ കുമാർ താക്കൂറുമായി മന്ത്രിയുടെ ഭർത്താവ്​ ചന്ദേശ്വർ വെർമ്മ പല തവണ ഫോണിൽ ബന്ധപ്പെട്ടതായുള്ള വിവരം പുറത്തു വന്നിരുന്നു.

ച​ന്ദേശ്വർ വെർമ ഒമ്പത്​ തവണ അഭയ കേന്ദ്രം സന്ദർശിച്ചതായും ഒാരോ തവണയും മണിക്കൂറുകളോളം അവിടെ ചെലവഴിച്ചതായുമുള്ള വിവരങ്ങൾ കൂടി പുറത്തു വന്നതോടെ മന്ത്രിയുടെ​ രാജിക്കായി ആവശ്യമുയർന്നു.  ബ്രജേഷ്​ താക്കൂറുമായി ഭർത്താവ്​ സംസാരിച്ചിട്ടുണ്ടെന്ന കാര്യം മഞ്​ജു വെർമ്മെ അംഗീകരിച്ചു. എന്നാൽ, താക്കൂർ ഒരു ക്രിമിനൽ ആണെന്ന്​ തിരിച്ചറിയാതെയായിരുന്നു ഭർത്താവ്​ അയാളുമായി സംസാരിച്ചതെന്ന്​ മന്ത്രി വിശദീകരിച്ചു.

രാഷ്​ട്രീയ ചർച്ചകളുടെ ഭാഗമായാണ്​ താൻ മന്ത്രിയുടെ ഭർത്താവുമായി സംസാരിച്ചതെന്ന്​ ബ്രജേഷ്​ താക്കൂർ മാധ്യമങ്ങളോട്​ പറഞ്ഞിരുന്നു. നിതീഷ്​ കുമാർ മന്ത്രിസഭയിലെ ജനതാദൾ മന്ത്രിയാണ്​ മഞ്​ജു വെർമ്മ.