മോദിയുടെ ചിത്രത്തിൽ ചെരുപ്പൂരി അടിക്കണമെന്ന്​ ബിഹാർ മന്ത്രി

പട്​ന: പ്രധാനമന്ത്രി നരേന്ദ്ര മോദിയുടെ ചിത്രത്തിൽ ​െചരുപ്പൂരി അടിക്കണമെന്ന്​ ബീഹാർ മന്ത്രി അബ്​ദുൽ ജലീൽ മസ്​താൻ. കേന്ദ്ര സർക്കാറി​​െൻറ നോട്ട്​ പിൻവലിക്കൻ നടപടിക്കെതിരെ കോ​ൺഗ്രസ്​ നടത്തുന്ന പ്രതിഷേധത്തിൻറെ ഭാഗമായി ​​​ഫെ​ബ്രുവരി 22ന്​ മന്ത്രിയുടെ മണ്ഡലത്തിൽ നടന്ന​ റാലിയെ അഭിസംബോധന​​ ​െചയ്യവെയാണ്​​ മസ്​താൻ ഇൗ പരാമർശം നടത്തിയത്​.

മോദിയെ നക്​സലൈറ്റ്​  എന്നും കൊള്ളക്കാരനെന്നും മന്ത്രി വിശേഷിപ്പിക്കുന്ന വിഡിയോ നവമാധ്യമങ്ങളിൽ വൈറലായി​. മന്ത്രിയുടെ പ്രസംഗം കേട്ട അനുയായികൾ മോദിയുടെ ചിത്രത്തിൽ ചെരുപ്പുകൊണ്ട്​ അടിക്കുന്ന മറ്റൊരു വിഡിയോയും പുറത്തുവന്നിട്ടുണ്ട്​.

സംഭവത്തിൽ ബി.ജെ.പി നിയസഭ അംഗങ്ങൾ  ബീഹാർ നിയമസഭയിൽ ബഹളം വെക്കുകയും മന്ത്രിയുടെ രാജി ആവശ്യപ്പെടുകയും ചെയ്​തതിനെ തുടർന്ന്​ ഖേദ പ്രകടനവുമായി മസ്​താൻ രംഗ​ത്തെത്തിയിട്ടുണ്ട്​. ത​​െൻറ പരാമർശം ആരെയെങ്കിലും വേദനിപ്പിച്ചിട്ടുണ്ടെങ്കിൽ മാപ്പ്​ ​ചോദിക്കുന്നതായാണ്​ അദ്ദേഹം പറഞ്ഞത്. ഇത്തരം വാക്കുകൾ ഉപയോഗിച്ചത്​ ശരിയായില്ലെന്ന്​ ബിഹാർ മുഖ്യമന്ത്രി നിതീഷ്​ കുമാറും പ്രതികരിച്ചിട്ടുണ്ട്​.

നോട്ട്​ പിൻവലിച്ചതി​െന തുടർന്ന്​ ജനങ്ങൾക്കുണ്ടായ ബുദ്ധിമുട്ട്​ പരിഹരിഹരിക്കുന്നതിൽ പരാജയപ്പെട്ടാൽ ഏത്​ ശിക്ഷയും നേരിടാൻ താൻ തയാറായിക്കൊള്ളാം എന്ന മോദിയുടെ പ്രസ്​താവനയുമായി ബന്ധപ്പെടുത്തിയായിരുന്നു മന്ത്രി ഇൗ പരാമർശം നടത്തിയത്​.