9000 പേർ കോവിഡ് ബാധിച്ച് മരിച്ചുവെന്ന് ബിഹാർ സർക്കാർ; മുമ്പുണ്ടായിരുന്ന കണക്കിൽ മാറ്റം വരുത്തി
text_fieldsപട്ന: കോവിഡ് ബാധിച്ച് മരിച്ചവരുടെ കണക്കുകളിൽ മാറ്റം വരുത്തി ബിഹാർ സർക്കാർ. 9249 പേർ കോവിഡ് ബാധിച്ച് മരിച്ചുവെന്നാണ് സർക്കാറിെൻറ പുതിയ കണക്ക്. കഴിഞ്ഞ ദിവസം വരെ 5,500ൽ താഴെ ആളുകൾ മാത്രമാണ് കോവിഡ് ബാധിച്ച് മരിച്ചതെന്നായിരുന്നു ബിഹാർ സർക്കാറിെൻറ കണക്ക് കൂട്ടൽ.
എന്നാൽ, 3,951 മരണങ്ങൾ പുതുതായി കൂട്ടിച്ചേർക്കുകയായിരുന്നു. വിശദമായ പരിശോധനയിലാണ് ബിഹാറിൽ കൂടുതൽ പേർ കോവിഡ് ബാധിച്ച് മരിച്ചിട്ടുണ്ടെന്ന് വ്യക്തമായത്. പുതുതായി കൂട്ടിച്ചേർത്ത മരണങ്ങൾ ഏത് ജില്ലയിൽ നിന്നുള്ളതാണെന്ന് സർക്കാർ ഇനിയും വ്യക്തമാക്കിയിട്ടില്ല. രണ്ടാം തരംഗത്തിൽ ഏകദേശം 8000 പേർക്ക് ജീവൻ നഷ്ടമായയെന്നാണ് സർക്കാർ കണക്കാക്കുന്നത്.
കോവിഡ് രോഗമുക്തി നേടിയവരുടെ എണ്ണത്തിലും ബിഹാർ ആരോഗ്യമന്ത്രാലയം മാറ്റം വരുത്തിയിട്ടുണ്ട്. 7,01,234 പേർ രോഗമുക്തി നേടിയെന്നാണ് പുതിയ കണക്ക്. കഴിഞ്ഞ ദിവസം ഇത് 6,98,397 ആയിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.