ബിഹാറിൽ വോട്ടർപട്ടിക തീവ്രപരിശോധന: ജനരോഷം ഭയന്ന് പിറകോട്ടടിച്ച് തെ​ര​ഞ്ഞെ​ടു​പ്പ് കമീഷൻ

ന്യൂ​ഡ​ൽ​ഹി: ​പൗ​ര​ത്വ രേ​ഖ​ക​ൾ ആ​വ​ശ്യ​പ്പെ​ട്ടു​ള്ള ‘വോ​ട്ട​ർ​പ​ട്ടി​ക തീ​വ്ര പ​രി​ശോ​ധ​ന’​ക്കെ​തി​രെ ബി​ഹാ​റി​ൽ പ്ര​തി​ഷേ​ധ​മു​യ​ർ​ന്ന​തോ​ടെ പി​ന്നോ​ട്ട​ടി​ച്ച് തെ​ര​ഞ്ഞെ​ടു​പ്പ് ക​മീ​ഷ​ൻ. പൗ​ര​ത്വം തെ​ളി​യി​ക്കാ​നാ​യി ത​ങ്ങ​ൾ പ​റ​ഞ്ഞ 11 രേ​ഖ​ക​ളി​ല്ലാ​തെ വോ​ട്ട​ർ​പ​ട്ടി​ക പ​രി​ശോ​ധി​ക്കാ​മെ​ന്ന് ബി​ഹാ​ർ മു​ഖ്യ​തെ​ര​​ഞ്ഞെ​ടു​പ്പ് ഓ​ഫി​സ​ർ ഞാ​യ​റാ​ഴ്ച പ​ത്ര​പ​ര​സ്യ​ങ്ങ​ളി​ലൂ​ടെ വ്യ​ക്ത​മാ​ക്കി.

രേ​ഖ​ക​ൾ സ​മ​ർ​പ്പി​ക്കാ​ത്ത​വ​ർ വോ​ട്ട​റാ​ണോ എ​ന്ന് വോ​ട്ട​ർ​പ​ട്ടി​ക​യു​ടെ ചു​മ​ത​ല​യു​ള്ള ഇ.​ആ​ർ.​ഒ (ഇ​ല​ക്ട​റ​ൽ ര​ജി​സ്ട്രേ​ഷ​ൻ ഓ​ഫി​സ​ർ) തീ​രു​മാ​നി​ക്കു​മെ​ന്നും ക​മീ​ഷ​ൻ വ്യ​ക്ത​മാ​ക്കി. ഇ​തോ​ടെ ജൂ​ലൈ 25ന​കം പൗ​ര​ത്വം തെ​ളി​യി​ക്കാ​നു​ള്ള രേ​ഖ സ​മ​ർ​പ്പി​ക്ക​ണ​മെ​ന്ന നി​ർ​ദേ​ശ​ത്തി​ൽ​നി​ന്നാ​ണ് ക​മീ​ഷ​ൻ പി​ന്നോ​ട്ട​ടി​ച്ച​ത്.

വോ​ട്ട​ർ​പ​ട്ടി​ക​യി​ൽ പേ​രു ചേ​ർ​ക്കാ​നു​ള്ള അ​പേ​ക്ഷ ഫോ​റ​ങ്ങ​ൾ ബി.​എ​ൽ.​ഒ​മാ​രി​ൽ​നി​ന്ന് കി​ട്ടി​യാ​ലു​ട​ൻ അ​വ പൂ​രി​പ്പി​ച്ച് ആ​വ​ശ്യ​മാ​യ രേ​ഖ​യും ഫോ​ട്ടോ​യും സ​ഹി​തം തി​രി​കെ സ​മ​ർ​പ്പി​ക്ക​ണം എ​ന്ന് ആ​ദ്യം നി​ർ​ദേ​ശി​ച്ച ശേ​ഷ​മാ​ണ് ​രേ​ഖ​ക​ളി​ല്ലെ​ങ്കി​ൽ അ​പേ​ക്ഷ മാ​ത്രം പൂ​രി​പ്പി​ച്ച് ന​ൽ​കാ​ൻ ആ​വ​ശ്യ​പ്പെ​ട്ടി​രി​ക്കു​ന്ന​ത്.

ക​മീ​ഷ​ൻ ആ​വ​ശ്യ​പ്പെ​ട്ട 11 രേ​ഖ​ക​ളി​ൽ ഏ​തെ​ങ്കി​ലു​മൊ​ന്ന് വോ​ട്ട​ർ​മാ​ർ ന​ൽ​കി​യാ​ൽ വോ​ട്ടു​ചേ​ർ​ക്കാ​നു​ള്ള അ​പേ​ക്ഷാ ന​ട​പ​ടി എ​ളു​പ്പ​മാ​കു​മെ​ന്ന് ക​മീ​ഷ​ൻ വ്യ​ക്ത​മാ​ക്കി. അ​തു ന​ൽ​കാ​ൻ ക​ഴി​ഞ്ഞി​ല്ലെ​ങ്കി​ൽ പ്ര​ദേ​ശ​ത്ത് അ​ന്വേ​ഷ​ണം ന​ട​ത്തി​യോ മ​റ്റേ​തെ​ങ്കി​ലും രേ​ഖ​ക​ളു​ടെ അ​ടി​സ്ഥാ​ന​ത്തി​ലോ അ​പേ​ക്ഷ​ക​ൻ വോ​ട്ട​റാ​ണോ എ​ന്ന കാ​ര്യ​ത്തി​ൽ ഇ.​ആ​ർ.​ഒ തീ​രു​മാ​ന​മെ​ടു​ക്കും.

ആ​ധാ​ർ കാ​ർ​ഡ്, പാ​ൻ കാ​ർ​ഡ്, തൊ​ഴി​ലു​റ​പ്പ് കാ​ർ​ഡ്, വോ​ട്ട​ർ തി​രി​ച്ച​റി​യ​ൽ കാ​ർ​ഡ്, ഡ്രൈ​വി​ങ് ലൈ​സ​ൻ​സ്, ബാ​ങ്ക് പാ​സ്ബു​ക്ക് എ​ന്നി​വ​യൊ​ന്നും സ്വീ​കാ​ര്യ​മ​ല്ലെ​ന്ന് വ്യ​ക്ത​മാ​ക്കി​യാ​ണ് ക​മീ​ഷ​ൻ 11 രേ​ഖ​ക​ളു​ടെ പ​ട്ടി​ക ക​മീ​ഷ​ൻ പ്ര​സി​ദ്ധീ​ക​രി​ച്ചി​രു​ന്ന​ത്. എ​ന്നാ​ൽ, വി​ഷ​യം ബി​ഹാ​റി​ക​ളു​ടെ അ​ഭി​മാ​ന പ്ര​ശ്ന​മാ​ക്കി തെ​രു​വി​ലി​റ​ങ്ങു​മെ​ന്ന് പ്ര​ഖ്യാ​പി​ച്ച് പ്ര​തി​പ​ക്ഷം പ്ര​തി​ഷേ​ധം ക​ടു​പ്പി​ച്ച​തോ​ടെ ക​മീ​ഷ​നെ​തി​രെ ഉ​യ​ർ​ന്ന ജ​ന​രോ​ഷം ത​ണു​പ്പി​ക്കാ​നാ​ണ് നി​ല​പാ​ട് മാ​റ്റം.