Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightബി.ജെ.പിയുടെ പഴയ...

ബി.ജെ.പിയുടെ പഴയ ആരോപണം തിരിഞ്ഞുകുത്തി; നിതീഷ്​ മന്ത്രി സഭയിൽ നിന്ന്​ ആദ്യ രാജി

text_fields
bookmark_border
ബി.ജെ.പിയുടെ പഴയ ആരോപണം തിരിഞ്ഞുകുത്തി; നിതീഷ്​ മന്ത്രി സഭയിൽ നിന്ന്​ ആദ്യ രാജി
cancel

പാറ്റ്​ന: സത്യപ്രതിജ്ഞ ചെയ്​ത്​ ചുമതലയേറ്റ മൂന്നാം നാൾ നിതീഷ്​കുമാർ മന്ത്രിസഭയിൽ നിന്ന്​ ആദ്യ രാജി. വിദ്യാഭ്യാസ മന്ത്രി മേവലാൽ ചൗധരിക്കാണ് അഴിമതിയാരോപണത്തെ തുടർന്ന്​​ രാജിവെച്ചൊഴിയേണ്ടി വന്നത്​. സംസ്​ഥാനത്തെ ഏറ്റവും വലിയ ഒറ്റകക്ഷിയും പ്രധാന പ്രതിപക്ഷ പാർട്ടിയുമായ ആർ.ജെ.ഡി മന്ത്രിക്കെതിരായ കേസുയർത്തി പ്രതിഷേധം തുടങ്ങിയതാണ്​ രാജിയിൽ കലാശിച്ചത്​. നേരിയ ഭൂരിപക്ഷം കൊണ്ട്​ ഭരണം കയ്യാളുന്ന നിതീഷ്​ കുമാറിന്​ തിരിച്ചടിയാണ്​ മന്ത്രിയുടെ രാജി.

ജെ.ഡി.യു എം.എൽ.എ ആയിരുന്ന മേവലാൽ ചൗധരിക്കെതിരെ ഭഗൽപൂർ കാർഷിക സർവകലാശാലയിലെ നിയമന ക്രമക്കേടുകളുമായി ബന്ധപ്പെട്ട്​ 2017 ൽ ബി.ജെ.പിയാണ്​ ആരോപണങ്ങൾ ഉയർത്തിയത്​. അന്ന്​ പ്രതിപക്ഷത്തായിരുന്നു ബി.ജെ.പി. ആരോപണങ്ങളെ തുടർന്ന്​ ചൗധരിയെ പാർട്ടിയിൽ നിന്ന്​ സസ്​പെൻറ്​ ചെയ്യുകയും ഗവർണറുടെ അനുമതിയോടെ​ കേസെടുക്കുകയും ചെയ്​തു. ബീഹാറിലെ രാഷ്​ട്രീയ സമവാക്യങ്ങൾ പിന്നീട്​ മാറുകയും കേസിൽ തുടർ നടപടികൾ നിലക്കുകയും ചെയ്​തു.

രാഷ്​ട്രീയ സമവാക്യങ്ങൾ മാറിയപ്പോൾ കോൾഡ്​ സ്​റ്റോറേജിലേക്ക്​ ​േപായ കേസാണ്​ ആർ.ജെ.ഡി നേതാവ്​ തേജസ്വി യാദവ്​ ഇപ്പോൾ വലിച്ചു പുറത്തിട്ടത്​. കേസിൽ ആരോപണം ഉന്നയിച്ച ബി.ജെ.പി കൂടി ചേർന്നാണ്​ ഇപ്പോൾ ബീഹാറിൽ സർക്കാർ ഉണ്ടാക്കിയിരിക്കുന്നത്​ എന്നതിനാൽ അടിയന്തര നടപടിക്ക്​ ഭരണപക്ഷം നിർബന്ധിതമാകുകയായിരുന്നു.

മൂന്നാം നാൾ മന്ത്രിസഭയിൽ നിന്ന്​ ആദ്യ രാജി സാധ്യമാക്കിയത്​ ആർ.ജെ.ഡിയുടെ വിജയമായാണ്​ വിലയിരുത്തപ്പെടുന്നത്​. നേരിയ ഭൂരിപക്ഷവുമായി സർക്കാറുണ്ടാക്കിയ നിതീഷ്​ കുമാറി​െൻറ നാലാംമൂഴം വെല്ലുവിളികൾ നിറഞ്ഞതായിരിക്കുമെന്നതി​െൻറ

കൃത്യമായ സൂചനയാണിത്​. അഴിമെതിക്കെതിരെ ശക്​തമായി ശബ്​ദമുയർത്താനുള്ള ജനസമ്മതിയാണ്​ തെരഞ്ഞെടുപ്പിൽ ആർ.ജെ.ഡിക്ക്​ കിട്ടിയത്​ എന്ന തേജസ്വി യാദവി​െൻറ പ്രസ്​താവനയും ബീഹാറിൽ വരാനിരിക്കുന്ന രാഷ്​ട്രീയ പോരാട്ടങ്ങളുടെ സൂചനയാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:biharRJDJD(U)BJP
News Summary - Bihar Education Minister Mewalal Choudhary has resigned three days after taking oath
Next Story