Top
Begin typing your search above and press return to search.
keyboard_arrow_down
Login
exit_to_app
exit_to_app
ബിഹാർ ഡി.ജി.പി രാജിവെച്ചു; ബി.ജെ.പിക്ക്​ വേണ്ടി മത്സരിച്ചേക്കും
cancel
Homechevron_rightNewschevron_rightIndiachevron_rightബിഹാർ ഡി.ജി.പി...

ബിഹാർ ഡി.ജി.പി രാജിവെച്ചു; ബി.ജെ.പിക്ക്​ വേണ്ടി മത്സരിച്ചേക്കും

text_fields
bookmark_border

പടന: ബിഹാർ ഡി.ജി.പി ഗുപ്​തേശ്വർ പാണ്ഡെ സ്വമേധയാ രാജിവെച്ചു. ബിഹാർ സർക്കാർ പാണ്ഡെയുടെ രാജി സ്വീകരിച്ചിട്ടുണ്ട്​. ആഭ്യന്തര ചുമതലയുള്ള ഡി.ജി.പി എസ്​.കെ സിംഗാളിന്​ സംസ്ഥാന ഡി.ജി.പിയുടെ അധിക ചുമതല നൽകി ഉത്തരവായി.

വരുന്ന നിയമസഭ തെരഞ്ഞെടുപ്പിൽ ബി.ജെ.പിക്ക്​ വേണ്ടി മത്സരിക്കാനാണ്​ ഗുപ്​തേശ്വർ പാണ്ഡെയുടെ രാജിയെന്നാണ്​ ദേശീയ മാധ്യമങ്ങൾ റിപ്പോർട്ട്​ ചെയ്യുന്നത്​. ബക്​സർ മണ്ഡലത്തിൽ നിന്നായിരിക്കും മത്സരിക്കുകയാണെന്നാണ്​ സൂചന.

പാണ്ഡെയുടെ രാഷ്​ട്രീയ ആഭിമുഖ്യ സൂചനകൾ സുശാന്ത്​ സിങ്​ രാജ്​പുത്തി​െൻറ കേസിൽ പ്രകടമായിരുന്നു. സുശാന്ത്​ സിങ് കേസിൽ ​മുംബൈ പൊലീസ്​ നിയവിരുദ്ധമായാണ്​ പെരുമാറിയതെന്ന്​ പാണ്ഡെ പ്രതികരിച്ചിരുന്നു. മഹാരാഷ്​ട്രയിലെ സഖ്യസർക്കാറിനെ അപകീർത്തിപ്പെടുത്താൻ ബി.ജെ.പിയുടെ നിർദേശങ്ങൾക്കനുസരിച്ചാണ്​ പാണ്ഡെ പെരുമാറുന്നതെന്ന്​ അന്നേ ആരോപണമുയർന്നിരുന്നു.

2014 ലോക്​സഭ തെരഞ്ഞെടുപ്പിന്​ മുമ്പ്​ പാണ്ഡെ രാജിക്കൊരുങ്ങിയിരുന്നെങ്കിലും സീറ്റ്​ കിട്ടില്ലെന്ന്​ കണ്ടതോടെ രാജി​ അപേക്ഷ പിൻവലിച്ചിരുന്നു.

Show Full Article
TAGS:Gupteshwar Pandey bihar bjp 
Next Story