ബിഹാറിൽ ആർ.ജെ.ഡി പകുതി സീറ്റിൽ; കോൺഗ്രസിന്​ ഒമ്പത്​

ന്യൂഡൽഹി: ബിഹാറിൽ സീറ്റ്​ പങ്കിടൽ പൂർത്തിയാക്കി വിശാല പ്രതിപക്ഷ സഖ്യം. സീറ്റ്​ വീതംവെക്കുന്ന കാര്യത്തിലെ തർ ക്കങ്ങൾ നീണ്ടതിനൊടുവിലാണ്​ വെള്ളിയാഴ്​ച പ്രഖ്യാപനം വന്നത്​. ആകെയുള്ള 40ൽ പകുതി സീറ്റിൽ ലാലുപ്രസാദ്​ യാദവ്​ ന യിക്കുന്ന ആർ.ജെ.ഡി മത്സരിക്കും. കോൺഗ്രസിന്​ ഒമ്പതു സീറ്റ്​. മറ്റുള്ളവർക്ക്​ 11.

ബി.ജെ.പി സഖ്യം വിട്ട്​ പ്രത ിപക്ഷ ചേരിയിലെത്തിയ ഉപേന്ദ്ര കുശ്​വാഹയുടെ രാഷ്​ട്രീയ ലോക്​ സമത പാർട്ടിക്ക്​ അഞ്ചു സീറ്റ്​ ലഭിച്ചു. പിന്നാക് ക വിഭാഗം നേതാവായ മുൻ മുഖ്യമന്ത്രി ജിതൻറാം മാഞ്ചിയുടെ ഹിന്ദുസ്​ഥാൻ അവാം മോർച്ചക്ക്​ മൂന്നു സീറ്റ്​. വികാസ്​ ശ ീൽ ഇൻസാൻ പാർട്ടിക്കും മൂന്നു സീറ്റ്​ നൽകി.

നിതീഷ്​ കുമാറുമായി തെറ്റി ജെ.ഡി.യു വിട്ട്​ ലോക്​താന്ത്രിക്​ ജനതാദൾ ഉണ്ടാക്കിയ മുതിർന്ന നേതാവ്​ ശരത്​യാദവ്​ ആർ.ജെ.ഡി ചിഹ്നത്തിൽ മത്സരിക്കും. തെരഞ്ഞടുപ്പിനുശേഷം അദ്ദേഹത്തി​​െൻറ പാർട്ടി ആർ.ജെ.ഡിയിൽ ലയിക്കും. പ്രതിപക്ഷ സഖ്യത്തിലെ ഇടതു പാർട്ടികളിൽ സി.പി.​െഎ^എം.എല്ലിന്​ ആർ​.ജെ.ഡിയുടെ ക്വോട്ടയിൽനിന്ന്​ ഒരു സീറ്റ്​ അനുവദിച്ചു.

27 സീറ്റ്​ വേണമെന്ന്​ ആർ.ജെ.ഡിയും 14 സീറ്റിന്​ കോൺഗ്രസും വാശിപിടിച്ചു നിന്നത്​ ചർച്ചകൾ നീട്ടിക്കൊണ്ടു പോയി. ആർ.ജെ.ഡി ഒടുവിൽ വിട്ടുവീഴ്​ചക്ക്​ തയാറായതോടെയാണ്​ സീറ്റ്​ ധാരണ സംബന്ധിച്ച പ്രഖ്യാപനം നടന്നത്​. എന്നാൽ, വാർത്തസമ്മേളനത്തിൽ ആർ.ജെ.ഡി നേതാവ്​ തേജസ്വി യാദവ്​, സഖ്യകക്ഷി നേതാക്കളായ ഉപേന്ദ്ര കുശ്​വാഹ, ശരദ്​ ​യാദവ്​, ജിതൻ റാം മാഞ്ചി എന്നിവർ പ​​െങ്കടുത്തില്ല.
എൻ.ഡി.എ സഖ്യത്തെ നേരിടാനുള്ള പോരാട്ടത്തിൽ മുസ്​ലിം, യാദവ വോട്ടുകളും പിന്നാക്ക വോട്ടുകളും ഒന്നിപ്പിക്കാൻ വിട്ടുവീഴ്​ചകൾക്ക്​ തയാറായേ മതിയാവൂ എന്ന സന്ദേശമാണ്​ റാഞ്ചി ജയിലിൽ കഴിയുന്ന ലാലു പ്രസാദ്​ പാർട്ടി നേതാവും മകനുമായ തേജസ്വി യാദവിന്​ നൽകിയതെന്നാണ്​ വിവരം.

ഏപ്രിൽ 11​​െൻറ ആദ്യഘട്ടം മുതൽ ലോക്​സഭ തെരഞ്ഞെടുപ്പി​​െൻറ എല്ലാ ഘട്ടങ്ങളിലും ബിഹാറിൽ വിവിധ മണ്ഡലങ്ങളിലായി വോ​െട്ടടുപ്പുണ്ട്​. ബി.ജെ.പിയും സഖ്യകക്ഷികളായ ജെ.ഡി.യു, ലോക്​ ജനശക്തി പാർട്ടി എന്നിവയും യഥാക്രമം 17, 17, ആറ്​ എന്ന ക്രമത്തിൽ നേര​േത്ത സീറ്റ്​ പങ്കിടൽ പൂർത്തിയാക്കിയിരുന്നു.

കനയ്യക്ക്​ സീറ്റില്ല
ബിഹാറിൽനിന്ന്​ ലോക്​സഭയിലേക്ക്​ മത്സരിക്കാനിരുന്ന വിദ്യാർഥി നേതാവ്​ കനയ്യ കുമാറിന്​ സീറ്റില്ല. വിശാല പ്രതിപക്ഷ സഖ്യത്തിൽ സി.പി.​െഎ ​ഉണ്ടെങ്കിലും ഇടതു പാർട്ടികളിൽ സി.പി.​െഎ-എം.എല്ലിന്​ മാത്രമാണ്​ സീറ്റ്​. അതുതന്നെ ആർ.ജെ.ഡി ക്വോട്ടയിൽ നിന്നാണ്​ നൽകുന്നത്​. സീറ്റ്​ കിട്ടില്ലെന്ന്​ ഉറപ്പായ സി.പി.എം നേര​േത്ത സഖ്യത്തിൽനിന്ന്​ പിന്മാറിയിരുന്നു.

ഡൽഹി ജെ.എൻ.യു വിദ്യാർഥി യൂനിയൻ മുൻ പ്രസിഡൻറായ കനയ്യ ഇടതുതട്ടകമായ ബേഗുസരായിയിൽനിന്ന്​ മത്സരിക്കുമെന്നായിരുന്നു സൂചനകൾ. എന്നാൽ ആർ.ജെ.ഡി നേതാവ്​ തേജസ്വി യാദവും കനയ്യയും നല്ല ബന്ധത്തിലല്ല. സ്വന്തം മേധാവിത്വം പ്രതിപക്ഷ ​േ​ചരിയിലെ യുവരക്തമായ കനയ്യ വഴി ദുർബലപ്പെടുമെന്ന തേജസ്വിയുടെ ഉൾഭയവും സീറ്റു നിഷേധത്തിന്​ കാരണമായി പറയുന്നുണ്ട്​. കനയ്യ നിന്നാലും ജയിക്കാൻ സാധ്യത കുറവാണെന്ന്​ ആർ.ജെ.ഡി വിലയിരുത്തുകയും ചെയ്യുന്നു.

ബിഹാറിൽ ഇടതു പാർട്ടികളിൽ ഏറ്റവും സ്വാധീനമുള്ളത്​ മൂന്ന്​ എം.എൽ.എമാരുള്ള സി.പി.​െഎ-എം.എല്ലിനാണ്​. അതു കഴിഞ്ഞാൽ സി.പി.​െഎ.
തങ്ങളെ പരിഗണിക്കാത്ത പ്രതിപക്ഷ സമീപനത്തിനെതിരെ എല്ലാ മണ്ഡലങ്ങളിലും സ്​ഥാനാർഥികളെ നിർത്തി നേരിടാനാണ്​ സി.പി.എമ്മി​​െൻറ തീരുമാനം.