ബിഹാര്‍ നിയമസഭ തെരഞ്ഞെടുപ്പ്​: ഫലം രാവിലെ എട്ടുമുതൽ അറിയാം ​

പട്​ന: രാജ്യം ആകാംക്ഷയോടെ കാത്തിരിക്കുന്ന ബിഹാര്‍ നിയമസഭ തെരഞ്ഞെടുപ്പി​െൻറ​ ഫലം ഇന്ന്​ രാവിലെ എട്ടുമുതൽ അറിയാം. 243 അംഗ നിയമസഭയിലേക്ക്​ നടന്ന തെരഞ്ഞെടുപ്പി​െൻറ വിധി ഉച്ചയോടെ വ്യക്തമാകും.

15 വര്‍ഷമായി സംസ്ഥാനം ഭരിക്കുന്ന നിതീഷ്‌കുമാര്‍ ആണ്​ എൻ.ഡി.എയുടെ മുഖ്യമന്ത്രി സ്ഥാനാർഥി. ലാലു പ്രസാദ് യാദവി​െൻറ മകനും ആർ.ജെ.ഡി നേതാവുമായ തേജസ്വി യാദവി​െൻറ നേതൃത്വത്തിലാണ്​ പ്രതിപക്ഷം തെരഞ്ഞെടുപ്പിനെ നേരിട്ടത്​. അതേസമയം, രാംവിലാസ് പാസ്വാ​െൻറ മകന്‍ ചിരാഗ്​ പാസ്വാ​െൻറ നേതൃത്വത്തിലുള്ള എൽ.ജെ.പി, ജെ.ഡി.യു മത്സരിക്കുന്ന മണ്ഡലങ്ങളില്‍ സ്ഥാനാർഥികളെ നിര്‍ത്തി.

ഭൂരിപക്ഷം എക്‌സിറ്റ് പോളുകളും ആർ.ജെ.ഡിയുടെ നേതൃത്വത്തിലുള്ള മഹാസഖ്യത്തിനാണ്​ വിജയസാധ്യത പ്രഖ്യാപിച്ചത്​. എന്നാല്‍, ഭരണം നിലനിര്‍ത്തുമെന്ന്​ തന്നെയാണ്​ ബി.ജെ.പി അടക്കമുള്ള എൻ.ഡി.എ ക്യാമ്പി​െൻറ വിശ്വാസം.

പ്രതിപക്ഷ സഖ്യം വിജയിച്ചാല്‍ ദേശീയ തലത്തില്‍ എൻ.ഡി.എക്കെതിരായ നീക്കത്തിന്​ ഊര്‍ജം നല്‍കും. വിജയം ഉറപ്പാണെന്നും വിജയാഘോഷം സമചിത്തതയോടെ നടത്താവു എന്നും തേജസ്വി യാദവ് പാര്‍ട്ടി പ്രവര്‍ത്തകരോട് നിര്‍ദേശിച്ചു. ദീപാവലി ആശംസ നേർന്ന നിതീഷ്‌കുമാര്‍ രാഷ്​ട്രീയ പ്രതികരണത്തിന് തയാറായില്ല. 243 നിയമസഭാ സീറ്റുകളുള്ള ബിഹാറിൽ മൂന്ന് ഘട്ടങ്ങളിലായിട്ടാണ് തെരഞ്ഞെടുപ്പ് നടന്നത്. കേവല ഭൂരിപക്ഷത്തിന് 122 സീറ്റുകൾ വേണം.

പ്രതിപക്ഷ പാർട്ടികളുടെ മഹാസഖ്യത്തിന്​ വിജയസാധ്യതയുള്ളതിനാൽ, വോട്ടിങ്​ മെഷീൻ സൂക്ഷിച്ച സ്​ഥലങ്ങളിൽ വേ​ട്ടെണ്ണൽ കഴിയുംവരെ കനത്ത ജാഗ്രത തുടരാൻ ​ മുതിർന്ന നേതാക്കൾക്ക്​ കോൺഗ്രസ് നിർദേശം നൽകി. കോൺഗ്രസ്​ ജനറൽ സെക്രട്ടറി രൺദീപ്​ സുർജേവാലയെയും ബിഹാറിലെ കോൺഗ്രസ്​ സ്​ക്രീനിങ​്​ കമ്മിറ്റി ചെയർമാ​െൻറ ചുമതലയുള്ള ​ അവിനാഷ്​ പാണ്ഡെയെയും പട്​നയിലേക്കയച്ചു. സർക്കാർ രൂപവത്​കരണത്തിനുള്ള ഏകോപനം ലക്ഷ്യമിട്ടാണ്​ കോൺഗ്രസ്​ നീക്കം.

നിര്‍ണായകമായ മധ്യപ്രദേശ് നിയമസഭയിലേക്കുള്ള 28 സീറ്റുകളിലെ ഉപതെരഞ്ഞെടുപ്പ് ഫലവും ചൊവ്വാഴ്​ച അറിയാം. ഒമ്പത് സീറ്റുകള്‍ നേടിയാലേ സംസ്ഥാനത്ത് ബി.ജെ.പിക്ക് ഭരണം നിലനിര്‍ത്താനാവു. കൂടാതെ, യു.പി, ഗുജറാത്ത്​, ഛത്തിസ്​ഗഢ്​​, തെലങ്കാന, ഹരിയാന, കർണാടക ഉൾപ്പെടെ 10 സംസ്​ഥാനങ്ങളിലെ 30 മണ്ഡലങ്ങളിലും വോ​ട്ടെണ്ണൽ ഇന്നാണ്​.

2015​ലെ ബിഹാര്‍ സീറ്റുനില

2015ലെ ബിഹാര്‍ നിയമസഭ തിരഞ്ഞെടുപ്പില്‍ മഹാസഖ്യത്തിലായിരുന്നു ആര്‍.ജെ.ഡിയും ജെ.ഡി.യുവും കോണ്‍ഗ്രസും. ആകെയുള്ള 243 സീറ്റിൽ 178 സീറ്റുകളും ഇവർക്കായിരുന്നു. ബിജെപിയുടെ എൻ.ഡി.എ സഖ്യത്തിനാവ​ട്ടെ 58 സീറ്റുകൾ മാത്രമാണ്​ ലഭിച്ചത്​. എന്നാൽ, പിന്നീട്​ നിതീഷി​െൻറ നേതൃത്വത്തിലുള്ള ജെ.ഡി.യു ബി.ജെ.പിയോടൊപ്പം പോയി.

കക്ഷി തിരിച്ചുള്ള സീറ്റ്​ നില:

ആര്‍.ജെ.ഡി- 80

ജെ.ഡി.യു -71

കോണ്‍ഗ്രസ്​ 23

ബി.ജെ.പി 53

എൽ.ജെ.പി -രണ്ട്​