Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightബിഹാറിൽ മൂന്ന്​...

ബിഹാറിൽ മൂന്ന്​ ഘട്ടങ്ങളിലായി തെരഞ്ഞെടുപ്പ്​​; ഒക്​ടോബർ 28ന്​ ആദ്യഘട്ടം; വോ​ട്ടെണ്ണൽ നവംബർ 10ന്​

text_fields
bookmark_border
ബിഹാറിൽ മൂന്ന്​ ഘട്ടങ്ങളിലായി തെരഞ്ഞെടുപ്പ്​​; ഒക്​ടോബർ 28ന്​ ആദ്യഘട്ടം; വോ​ട്ടെണ്ണൽ നവംബർ 10ന്​
cancel

ന്യൂഡൽഹി: ബിഹാറിൽ മൂന്നാം ഘട്ടങ്ങളിലായി നിയമസഭ തെരഞ്ഞെടുപ്പ്​ നടത്തുമെന്ന്​ മുഖ്യതെരഞ്ഞെടുപ്പ്​ കമീഷണർ സുനിൽ അറോറ. ഒന്നാം ഘട്ടത്തിൽ ഒക്​ടോബർ 28ന്​ 71 മണ്ഡലങ്ങളിൽ തെരഞ്ഞെടുപ്പ്​ നടക്കും. നവംബർ മൂന്നിന്​ നടക്കുന്ന രണ്ടാം ഘട്ടത്തിൽ 94 മണ്ഡലങ്ങളിലാവും വോ​ട്ടെടുപ്പ്​. നവംബറിന്​ ഏഴിന്​ നടക്കുന്ന മൂന്നാംഘട്ട തെരഞ്ഞെടുപ്പിൽ 78 മണ്ഡലങ്ങളാണ്​ പോളിങ്​ ബൂത്തിലേക്ക്​ പോവുക. നവംബർ 10ന്​ വോ​ട്ടെണ്ണും.

പൗരൻമാരുടെ അവകാശങ്ങൾ സംരക്ഷിക്കാൻ ബാധ്യസ്ഥരാണെന്ന്​ മുഖ്യ തെരഞ്ഞെടുപ്പ്​ കമീഷണർ പറഞ്ഞു​. കോവിഡ്​ രോഗലക്ഷണമുള്ളവർക്ക്​ പോസ്​റ്റൽ വോട്ട്​ സൗകര്യം നൽകും. പോളിങ്​ സമയം ഒരുമണിക്കൂർ നീട്ടും. നാമനിർദേശ പത്രിക സമർപ്പിക്കൽ പരമാവധി ഓൺലൈനായി നടത്തും.

വീട്​ കയറിയുള്ള പ്രചാരണത്തിന്​ അഞ്ച്​ പേർക്ക്​ മാത്രമായിരിക്കും അനുമതി. വാഹനപ്രചാരണത്തിന്​ പരമാവധി രണ്ട്​ വാഹനങ്ങൾ മാത്രമായിരിക്കും അനുവദിക്കുകയെന്നും തെരഞ്ഞെടുപ്പ്​ കമീഷണർ വ്യക്​തമാക്കി. ഒരു ബൂത്തിൽ പരമാവധി ആയിരം പേർ മാത്രമായിരിക്കും ഉണ്ടാവുക. നേരത്തെ ഇത്​ ആയിരത്തി അഞ്ഞൂറായിരുന്നു.

തെരഞ്ഞെടുപ്പിനായി ഏഴ്​ ലക്ഷം ഹാൻഡ്​ സാനിറ്റൈസറുകളും 46 ലക്ഷം മാസ്​കുകളും 6 ലക്ഷം പി.പി.ഇ കിറ്റുകളും 6.7 ലക്ഷം മുഖാവരണങ്ങളും 23 ലക്ഷം ഗ്ലൗസുകളും ഒരുക്കുമെന്ന്​ തെരഞ്ഞെടുപ്പ്​ കമീഷണർ അറിയിച്ചു. വോട്ടർമാർക്കായി പുനരുപയോഗിക്കാൻ കഴിയാത്ത 7.2 കോടി ഗ്ലൗസുകളും ഒരുക്കുമെന്നും മുഖ്യതെരഞ്ഞെടുപ്പ്​ കമീഷണർ സുനിൽ അറോറ പറഞ്ഞു.


Latest Video:


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Sunil AroraBihar Assembly Election 2020
Next Story