Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightസി.എ.എ വിരുദ്ധ സ്കൂൾ...

സി.എ.എ വിരുദ്ധ സ്കൂൾ നാടകം: മാതാവിനും പ്രിൻസിപ്പലിനും ജാമ്യം

text_fields
bookmark_border
സി.എ.എ വിരുദ്ധ സ്കൂൾ നാടകം: മാതാവിനും പ്രിൻസിപ്പലിനും ജാമ്യം
cancel

ബംഗളുരു: റിപ്പബ്ലിക്​ ദിനാഘോഷത്തി​​​​​​െൻറ ഭാഗമായി പൗരത്വ ഭേദഗതി നിയമത്തിനെതിരെ നാടകം അവതരിപ്പിച്ചതിൻെറ പേരിൽ ദേശദ്രോഹ കുറ്റം ചുമത്തി അറസ്​റ്റ്​ ചെയ്​ത സ്​കൂൾ പ്രിൻസിപ്പലിനും നാടകം അവതരിപ്പിച്ച വിദ്യാർഥിയുടെ മാ താവിനും ജാമ്യം. 14 ദിവസത്തിനുശേഷമാണ്​ ജാമ്യം ലഭിച്ചത്​. പ്രധാനമന്ത്രി നരേന്ദ്ര മോദിക്കെതിരെ പരാമർശമുണ്ടെന്നാരോപിച്ചായിരുന്നു അറസ്​റ്റ്​.

പ്രിൻസിപ്പൽ ഫരീദ ബീഗം (50), നാടകം അവതരിപ്പിച്ച വിദ്യാർഥികളിലൊരാളുടെ മാതാവ്​ നജുബുന്നിസ (36) എന്നിവർക്കാണ്​ ജാമ്യം ലഭിച്ചത്​. കഴിഞ്ഞ ജനുവരി 30നാണ്​ കർണാടകയിലെ ബിദറിലെ ഷഹീൻ എജുക്കേഷൻ ഇൻസ്​റ്റിറ്റ്യുട്ടി​ൽ അവതരിപ്പിച്ച സി.എ.എ-എൻ.ആർ.സി വിരുദ്ധ നാടകത്തിനെതിരെ നടപടിയെടുത്തത്​.

നാടകത്തി​​​​​​െൻറ വിഡിയോ സാമൂഹിക മാധ്യമത്തിൽ അപ്​ലോഡ്​ ചെയ്​​തതോടെയാണ്​ വിവാദമായത്​. പൊതുപ്രവർത്തകനായ നിലേഷ്​ രക്​ശ്യാൽ നൽകിയ പരാതിപ്രകാരം 124 എ (രാജ്യദ്രോഹം), 504 (സമാധാനാന്തരീക്ഷം തകർക്കൽ), 505-രണ്ട്​ (ശത്രുത പരത്തുന്ന പ്രസ്​താവന നൽകൽ), 153 എ(വർഗീയ വി​ദ്വേഷം പ്രചരിപ്പിക്കൽ) തുടങ്ങിയ വകുപ്പുകൾ ചേർത്ത്​ കേസെടുക്കുകയായിരുന്നു.സംഭവത്തിൻെറ പേരിൽ സ്​കൂൾ വിദ്യാർഥികളെ പൊലീസ്​ പലവട്ടം ചോദ്യം ചെയ്​തത്​ വിവാദമായിരുന്നു.

Show Full Article
TAGS:Bidar school karnataka CAA Drama india news malayalam news 
Next Story