Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപരുന്തുപോലും...

പരുന്തുപോലും പറക്കാത്തിടത്ത്​ 100 കിലോ ആർ.ഡി.എക്​സ്​ എങ്ങിനെ എത്തി; പുൽവാമയിൽ ചോദ്യവുമായി ഛത്തീസ്​ഗഢ്​ മുഖ്യമന്ത്രി

text_fields
bookmark_border
പരുന്തുപോലും പറക്കാത്തിടത്ത്​ 100 കിലോ ആർ.ഡി.എക്​സ്​ എങ്ങിനെ എത്തി; പുൽവാമയിൽ ചോദ്യവുമായി ഛത്തീസ്​ഗഢ്​ മുഖ്യമന്ത്രി
cancel

പുൽവാമ ഭീകരാക്രമണത്തിന്‍റെ വാർഷികത്തിൽ ചോദ്യമുയർത്തി ഛത്തീസ്​ഗഢ്​ മുഖ്യമന്ത്രി ഭൂപേഷ്​ ബാഗേൽ​. ഇത്രയും സുരക്ഷയുള്ള പ്രദേശത്ത്​ 100 കിലോ ആർ.ഡി.എക്​സ്​ എങ്ങിനെ എത്തിയെന്ന്​ അദ്ദേഹം ചോദിച്ചു. ആരാണ്​ ഗൂഢാലോചനക്ക്​ പിന്നിലെന്നും അദ്ദേഹം ട്വിറ്റർ കുറിപ്പിൽ ചോദിച്ചു. രക്​തസാക്ഷികളായ ധീരന്മാരായ സൈനികർക്ക്​ അദ്ദേഹം ആദരവും അർപ്പിച്ചു​. രാജ്യം അവരുടെ രക്​തസാക്ഷിത്വത്തെ ആദരിക്കുന്നതായും അദ്ദേഹം കുറിച്ചു.


'ചോദ്യം ഉണ്ട്, സർ. പരുന്തുപോലും പറക്കാത്തിടത്ത്​ 100 കിലോ ആർ.ഡി.എക്​സ്​ എങ്ങിനെ എത്തി. ആരാണ്​ ഈ ഗൂഢാലോചനക്ക്​ പിന്നിൽ. പുൽവാമ ആക്രമണത്തിൽ രക്തസാക്ഷിത്വം വരിച്ച ധീരരായ സൈനികർക്ക് ആദരാഞ്ജലി അർപ്പിക്കുന്നു. രാജ്യം അവരുടെ രക്തസാക്ഷിത്വത്തെ അഭിവാദ്യം ചെയ്യുന്നു'-ഭൂപേഷ്​ ബാഗേൽ ട്വിറ്ററിൽ കുറിച്ചു. 2019 ഫെബ്രിവരി 14നാണ്​ പുൽവാമയിൽ ഭീകരാക്രമണം ഉണ്ടായത്​. ഭീകരാക്രമണത്തിന്‍റെ രണ്ടാം വാർഷികത്തിൽ വീരമൃത്യു വരിച്ച സൈനികർക്ക്​ രാജ്യം ആദരമർപ്പിച്ചിരുന്നു.

രാജ്യം വീരമൃത്യു വരിച്ച സൈനികരുടെ കുടുംബങ്ങൾക്കൊപ്പം എപ്പോഴുമുണ്ടാകുമെന്ന്​ കേ​ന്ദ്ര പ്രതിരോധ മന്ത്രി രാജ്​നാഥ്​ സിങ്​ ട്വീറ്റ്​ ചെയ്​തു. സൈനികരുടെ സേവനവും ത്യാഗവും രാജ്യം മറക്കില്ലെന്നും രാജ്​നാഥ്​ സിങ്​ വ്യക്​തമാക്കി. ധീരരായ സൈനികർക്ക്​ ആദമർപ്പിക്കുന്നു. അവരുടെ കുടുംബങ്ങൾക്കൊപ്പമുണ്ടാവുമെന്ന്​ രാഹുൽ ഗാന്ധിയും ട്വീറ്റ്​ ചെയ്​തു. പുൽവാമ ആക്രമണത്തിൽ 40 സൈനികരാണ്​ വീരമൃത്യു വരിച്ചത്​.

Show Full Article
TAGS:Bhupesh Baghel chief minister Chhattisgarh Pulwama attck 
Next Story