സംസ്​കൃതം പഠിപ്പിക്കാൻ മുസ്​ലിം പ്രഫസർ; ബി.എച്ച്​.യുവിൽ പ്രതിഷേധം തുടരുന്നു

ജയ്​പൂർ: ബ​നാ​റ​സ്​ ഹി​ന്ദു സ​ർ​വ​ക​ലാ​ശാ​ല​യു​ടെ സം​സ്​​കൃ​ത വി​ദ്യാ​ധർമ്​ വി​ജ്ഞാ​നി​ൽ (എ​സ്.​വി.​ഡി.​വി) അ​സി​സ്​​റ്റ​ൻ​റ്​ പ്ര​ഫ​സ​റാ​യി മുസ്​ലിമിനെ നിയമിച്ചതിനെതിരെ വിദ്യാർഥികൾ നടത്തുന്ന സമരം രണ്ടാമത്തെ ആഴ്​ച യിലേക്ക്​. ഡോ. ഫിറോസ്​ ഖാനെ നവംബർ ഏഴിനാണ്​ ​അ​സി​സ്​​റ്റ​ൻ​റ്​ പ്ര​ഫ​സ​റാ​യി നിയമിച്ചത്​.

ബി.എച്ച്‍.യു വൈസ് ചാൻസലർ രാകേഷ് ഭട്നാഗറുടെ ഓഫിസിനു മുന്നിൽ സംസ്കൃത വിഭാഗത്തിലെ മുപ്പതോളം വിദ്യാർഥികളാണ്​ സമരം ചെയ്യുന്നത്​. എ.വി.ബി.പിയുടെ പിന്തുണയോടെയാണ്​ വിദ്യാർഥികൾ മന്ത്രോച്ചാരണവും യഞ്​ജവുമായി സമരം തുടരുന്നത്​.

സമരം നടത്തുന്ന വിദ്യാർഥികൾ കഴിഞ്ഞ ദിവസം വൈസ്​ ചാൻസലറുടെ കാറിന്​ നേരെ കല്ലേറ്​ നടത്തിയിരുന്നു. ഫിറോസ്​ ഖാന്​ പകരം മറ്റൊരു അധ്യാപകനെ നിയമിക്കുന്നതുവരെ ധർണ ത​ുടരുമെന്ന്​ സമരത്തിന്​ നേതൃത്വം നൽകുന്ന ശുഭം തിവാരി അറിയിച്ചു.

വെറും ഒരു വിഷയം മാത്രമല്ല എ​സ്.​വി.​ഡി.​വി​യി​ൽ പഠിപ്പിക്കുന്നത്​. ത​ങ്ങ​ളു​ടെ സം​സ്​​കാ​ര​ം കൂടിയാണ്​. അതുമായി ബ​ന്ധ​മി​ല്ലാ​ത്ത വ്യ​ക്തി​ക്കെ​ങ്ങ​നെ ത​ങ്ങ​ളു​ടെ ധ​ർ​മ​ത്തെ മ​ന​സ്സി​ലാ​ക്കാ​ൻ ക​ഴി​യും. അതിനാൽ യൂനിവേഴ്​സിറ്റി അധികൃതർ ഫിറോസ്​ ഖാനെ മറ്റ്​ വിഭാഗത്തേക്ക്​ സ്ഥലംമാറ്റണമെന്ന്​ എ​സ്.​വി.​ഡി.​വി​യിൽ ഗവേഷക വിദ്യാർഥിയായ കൃഷൻ കുമാർ ആവശ്യപ്പെട്ടു.

ഫിറോസ് ഖാനെ എല്ലാ മാനദണ്ഡങ്ങളും പാലിച്ചാണു നിയമിച്ചതെന്നാണ്​ സർവകലാശാല അധികൃതരുടെ നിലപാട്​.

സം​സ്​​കൃ​ത​ത്തി​ലെ ബി​രു​ദ-​ബി.​എ​ഡ്-​പി.​ജി കോ​ഴ്​​സു​ക​ളാ​യ ശാ​സ്​​ത്രി-​ശി​ക്ഷ ശാ​സ്​​ത്രി-​ആ​ചാ​ര്യ എ​ന്നി​വ പൂ​ർ​ത്തി​യാ​ക്കി​യ​ശേ​ഷം ഡോ. ഫിറോസ്​ ഖാൻ 2018ൽ ​ജ​യ്​​പ​ു​രി​ലെ ഡീം​ഡ്​ സ​ർ​വ​ക​ലാ​ശാ​ല​യി​ൽ​നി​ന്ന്​ രാ​ഷ്​​ട്രീ​യ സ​ൻ​സ്​​കൃ​തി സ​ൻ​സ്​​താ​നി​ൽ പി​.എ​ച്ച്.​ഡി​യും ക​ര​സ്​​ഥ​മാ​ക്കി​യി​ട്ടു​ണ്ട്​. പു​റ​മെ, നെ​റ്റും ജെ.​ആ​ർ.​എ​ഫു​മു​ണ്ട്. ഫി​റോ​സ്​ ഖാ​​​െൻറ പി​താ​വ്​ റം​സാ​ൻ ഖാ​നും സം​സ്​​കൃ​ത ബി​രു​ദ​ധാ​രി​യാ​ണ്.