ബനാറസിലെ ​െപാലീസ്​ അതി​ക്രമം; മുഖം രക്ഷിക്കാനാകാതെ ബി.ജെ.പി

ന്യൂഡൽഹി: ബനാറസ്​ ഹിന്ദു സർവകലാശാലയിൽ വിദ്യാർഥിനികൾക്കെതിരായ ​െപാലീസ്​ അതിക്രമത്തിൽ പ്രതിരോധത്തിലായ ബി.ജെ.പി, മുഖം രക്ഷിക്കാൻ മോദിയും അമിത്​ ഷായും വിഷയത്തിൽ ഇടപെട്ടിട്ടുണ്ടെന്ന വിശദീകരണവുമായി രംഗത്തുവന്നു. ക്രമസമാധാനം സംസ്​ഥാനവിഷയമായതിനാൽ അ​തിക്രമത്തി​​​െൻറ ഉത്തരവാദിത്തം യോഗി സർക്കാറിൽ​ കെട്ടിവെക്കാനുള്ള ശ്രമമാക​െട്ട വൈസ്​ ചാൻസലറുടെ പ്രതികാര നടപടിയിൽ പരാജയ​പ്പെടുകയും ചെയ്​തു.

ന്യൂഡൽഹിയിൽ ബി.ജെ.പി ദേശീയ നിർവാഹകസമിതിക്കിടെ നടന്ന വാർത്തസമ്മേളനങ്ങളിലും ബനാറസ്​ ഹിന്ദു സർവകലാശാലയിൽ വിദ്യാർഥിനികൾക്കെതിരെ നടന്ന ആക്രമണം ചോദ്യമായി ഉയർന്നിരുന്നു. മുത്തലാഖ്​ വിഷയത്തിൽ സ്​ത്രീസമത്വത്തിന്​ അനുകൂലമായ നിലപാടെടുത്ത മോദിയെ രാഷ്​ട്രീയപ്രമേയം അഭിനന്ദിച്ച കാര്യം കേന്ദ്രമന്ത്രി നിതിൻ ഗഡ്​കരി വിശദീകരിച്ചപ്പോൾ എന്തുകൊണ്ടാണ്​ മോദിയുടെ മണ്ഡലത്തിൽ സമത്വം ചോദിച്ച പെൺകുട്ടികൾ ​െപാലീസ്​ അതി​ക്രമത്തിന്​ ഇരയാകേണ്ടിവന്നതെന്ന്​ മാധ്യമപ്രവർത്തകർ ചോദിച്ചു. ബനാറസിലെ അതിക്രമം തെറ്റായിപ്പോയെന്നും അതിനെ ശക്​തമായ ഭാഷയിൽ അപലപിക്കുകയാണെന്നും ഗഡ്​കരി മറുപടി നൽകി. സംഭവത്തി​​​െൻറ ഗൗരവം ഉൾക്കൊണ്ടാണ്​ പ്രധാനമന്ത്രിയും പാർട്ടി അധ്യക്ഷനും മുഖ്യമന്ത്രി യോഗി ആദിത്യനാഥിനെ നേരിൽ വിളിച്ച്​ കർശന നടപടിയെടുക്കാൻ ആവശ്യപ്പെട്ടതെന്നും സംസ്​ഥാനത്തെ ക്രമസമാധാന​ വിഷയമെന്ന നിലയിൽ ​യോഗിയാണ്​ അത്​ കൈകാര്യം ചെയ്യേണ്ടതെന്നും ഗഡ്​കരി പറഞ്ഞു. 

എന്നാൽ, വിദ്യാർഥിനികൾക്കെതിരായ ​െപാലീസ്​ നടപടിക്ക്​ വഴിയൊരുക്കിയത്​ കേന്ദ്രസർവകലാശാലയുടെ വൈസ്​ ചാൻസലർ ആണെന്നും അദ്ദേഹം മോദിസർക്കാറി​​​​െൻറ നോമിനിയാണെന്നും അക്കാര്യത്തിൽ നടപടിയെടുക്കേണ്ടത്​ മോദി സർക്കാറാണെന്നും മാധ്യമപ്രവർത്തകർ തിരിച്ചുചോദിച്ചപ്പോൾ ഗഡ്​കരിക്ക് കൃ​ത്യമായ മറുപടി ഉണ്ടായില്ല. വൈസ്​ ചാൻസലറുടെ അനുമതിയോ അറ​ിവോ ഇല്ലാതെ വാരാണസി ​െപാലീസിന്​ വിദ്യാർഥികളെ ലാത്തിച്ചാർജ്​ നടത്താൻ കഴിയില്ലല്ലോ എന്ന്​ ചൂണ്ടിക്കാട്ടിയപ്പോൾ, ഉത്തരവാദികളായവർക്കെതിരെ നടപടിയെടുക്ക​ുമെന്ന്​ ഗഡ്​കരി പറഞ്ഞു. എന്നാൽ, മോദിയു​ം അമിത്​ ഷായും നേരിട്ടിട​െപട്ടുവെന്ന്​ ബി.ജെ.പി ദേശീയനേതൃത്വം അറിയിച്ചശേഷവും വൈസ്​ ചാൻസലർ വിദ്യാർഥിനികളോടുള്ള പ്രതികാരനടപടികളുമായി മുന്നോട്ടുപോകുകയാണ്​.

ബി.എച്ച്.യു അക്രമം: ജുഡീഷ്യൽ അന്വേഷണത്തിന് ഉത്തരവ്
ബനാറസ്​ ഹിന്ദു സർവകലാശാല കാമ്പസിൽ നടന്ന അക്രമത്തെക്കുറിച്ച്​ ജുഡീഷ്യൽ അന്വേഷണത്തിന്​ ഉത്തരവിട്ടു. യു.പി സർക്കാർ വക്​താവും കാബിനറ്റ്​ മന്ത്രിയുമായ ശ്രീകാന്ത്​ ശർമയാണ്​ ഇക്കാര്യം അറിയിച്ചത്​. ശനിയാഴ്​ച രാത്രി പൊലീസ്​ ലാത്തിച്ചാർജിൽ പെൺകുട്ടികളും മാധ്യമപ്രവർത്തകരും അടക്കം നിരവധി പേർക്ക്​ പരിക്കേറ്റിരുന്നു. കാമ്പസിൽ അതിക്രമിച്ചുകയറിയ മൂന്നംഗ സംഘം പെൺകുട്ടിയെ അപമാനിക്കാൻ ​ശ്രമിച്ചതാണ്​ സംഘർഷത്തിനിടയാക്കിയത്​. ഇവർക്കെതിരെ നടപടി ആവശ്യപ്പെട്ട്​ പ്രതിഷേധിച്ച വിദ്യാർഥികൾക്കു നേരെയായിരുന്നു ലാത്തിച്ചാർജ്​. അക്രമം തടയുന്നതിൽ പരാജയപ്പെട്ട യോഗി ആദിത്യനാഥ്​ സർക്കാറിനെതിരെ രൂക്ഷവിമർശനമുയർന്നിരുന്നു. കാമ്പസിൽ സി.സി.ടി.വി സ്​ഥാപിക്കാൻ തീരുമാനിച്ചതായും സുരക്ഷ ശക്​തമാക്കാൻ പ്രാദേശിക ഭരണാധികാരി​കളോട്​ ആവശ്യപ്പെട്ടതായും മന്ത്രി ശർമ പറഞ്ഞു.