Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഭോപാൽ വ്യാജ...

ഭോപാൽ വ്യാജ ഏറ്റുമുട്ടൽ: വെടിവെച്ച പൊലീസുകാരെയും ഉത്തരവിട്ടവരെയും തുക്കിലേറ്റണം –കട്​ജു

text_fields
bookmark_border
ഭോപാൽ വ്യാജ ഏറ്റുമുട്ടൽ: വെടിവെച്ച പൊലീസുകാരെയും ഉത്തരവിട്ടവരെയും തുക്കിലേറ്റണം –കട്​ജു
cancel

ന്യൂഡല്‍ഹി: ഭോപ്പാലിൽ ജയിൽ ചാടിയവരെ കൊലപ്പെടുത്തിയത്​ വ്യാജ ഏറ്റുമുട്ടലിലൂടെയാണെന്ന്​ സുപ്രീംകോടതി മുൻ ജഡ്​ജി ജസ്​റ്റിസ്​ മാർക്കണ്ഡേയ കട്​ജു. ​ വിചാരണ തടവുകാരായ എട്ട്​ സിമി പ്രവർവർത്തകർ ഭോപാല്‍ സെന്‍ട്രല്‍ ജയിൽ ചാടിയെന്നും അവരെ ഏറ്റുമുട്ടലിൽ വധിച്ചെന്നുമുള്ള പൊലീസ്​ ഭാഷ്യം തള്ളിയാണ്​ കട്​ജു രംഗത്തുവന്നിരിക്കുന്നത്​. വെടിവെച്ച പൊലീസുകാര്‍ക്കും അതിന് ഉത്തരവിട്ടവര്‍ക്കും വധശിക്ഷ നല്‍കണമെന്നും അദ്ദേഹം ഫേസ്​ബുക്​ പോസ്​റ്റിൽ ആവശ്യപ്പെട്ടു.

‘ഭോപാൽ ഏറ്റുമുട്ടല്‍ വ്യാജമാണെന്നാണ് മനസിലാകുന്നത്.  വെടിവെച്ച്​ കൊലപ്പെടുത്തിയ  പൊലീസുകാര്‍ക്ക് മാത്രമല്ല, അതിന് ഉത്തരവിട്ട മുതിര്‍ന്ന പൊലീസ് ഉദ്യോഗസ്ഥര്‍ക്കും രാഷ്​ട്രീയക്കാർക്കും വധശിക്ഷ നല്‍കണം. രണ്ടാം ലോക യുദ്ധത്തിന് ശേഷം നടന്ന വിചാരണയില്‍  ഉത്തരവ് നടപ്പാക്കുക മാത്രമാണ് ചെയ്തതെന്ന് നാസി യുദ്ധകുറ്റവാളികൾ വാദിച്ചിരുന്നു. എന്നാൽ ഇൗ വാദം നിരസിക്കപ്പെട്ടു. ഭൂരിഭാഗം പേരെയും തൂക്കിലേറ്റാന്‍ വിധിച്ച​ു. അതിനാൽ നിസാരകാര്യത്തിന്​ പോലും വെടിവെക്കുകയും നിയമത്തിന് അതീതമായി കൊല നടത്താമെന്ന് കരുതുകയും അത് നടപ്പാക്കുകയും ചെയ്യുന്ന പൊലീസുകാ​രെ തൂക്കുമരം കാത്തിപ്പുണ്ടെന്ന്​ അറിയിക്കണം’ -ഫേസ്​ബുക്​ പോസ്​റ്റിൽ കട്​ജു പറഞ്ഞു.

ഏറ്റുമുട്ടല്‍  വ്യാജമാണെന്ന് ആരോപിച്ച് പ്രതിപക്ഷവും നിരവധി ദേശീയ നേതാക്കളും നേരത്തെതന്നെ രംഗത്തെത്തിയിരുന്നു.

Show Full Article
TAGS:bhopal encounter fake encounter bhopal simi encounter justice Markandey Katju 
News Summary - bhopal fake encounter : Katju demands death sentence for officials, politicians involved
Next Story