ഭീമ കൊറേഗാവ്​: നവലഖയെ വീട്ടുതടങ്കലിലേക്ക്​ മാറ്റി

മും​ബൈ: സു​പ്രീം​കോ​ട​തി നി​ല​പാ​ട്​ ക​ടു​പ്പി​ച്ച​തോ​ടെ ഭീ​മ കൊ​റേ​ഗാ​വ്​ കേ​സി​ൽ ജ​യി​ലി​ൽ ക​ഴി​യു​ന്ന ആ​ക്ടി​വി​സ്​​റ്റ്​ ഗൗ​തം ന​വ​ല​ഖ​യെ ദേ​ശീ​യ അ​ന്വേ​ഷ​ണ ഏ​ജ​ൻ​സി (എ​ൻ.​ഐ.​എ) വീ​ട്ടു​ത​ട​ങ്ക​ലി​ലേ​ക്ക്​ മാ​റ്റി. ന​വി മും​ബൈ​യി​ലെ ബേ​ലാ​പൂ​രി​ലു​ള്ള സി.​പി.​എം ഓ​ഫി​സി​ലാ​ണ്​ ന​വ​ല​ഖ വീ​ട്ടു​ത​ട​ങ്കി​ലി​ൽ ക​ഴി​യു​ന്ന​ത്.

ആ​രോ​ഗ്യാ​വ​സ്ഥ​യും ചി​കി​ത്സ​യും പ​രി​ഗ​ണി​ച്ച്​ ക​ഴി​ഞ്ഞ 10നാ​ണ്​ ന​വ​ല​ഖ​യെ ഒ​രു​മാ​സ​ത്തേ​ക്ക്​ വീ​ട്ടു​ത​ട​ങ്ക​ലി​ലേ​ക്ക്​ മാ​റ്റാ​ൻ സു​പ്രീം​കോ​ട​തി ഉ​ത്ത​ര​വി​ട്ട​ത്. 48 മ​ണി​ക്കൂ​റി​ന​കം മാ​റ്റ​ണ​മെ​ന്നാ​യി​രു​ന്നു നി​ർ​ദേ​ശം. എ​ന്നാ​ൽ, വീ​ട്ടു​ത​ട​ങ്ക​ലി​ന്​ തെ​ര​ഞ്ഞെ​ടു​ത്ത സ്ഥ​ല​ത്തി​ന്റെ സു​ര​ക്ഷ ഉ​യ​ർ​ത്തി​ക്കാ​ട്ടി എ​ൻ.​ഐ.​എ ന​ട​പ​ടി​ക​ൾ വൈ​കി​പ്പി​ച്ചു.

ഒ​പ്പം, രാ​ജ്യ​സു​ര​ക്ഷ​ക്കും അ​ഖ​ണ്ഡ​ത​ക്കും ഭീ​ഷ​ണി​യാ​യ കേ​സി​ലെ പ്ര​തി​യാ​യ​തി​നാ​ൽ വീ​ട്ടു​ത​ട​ങ്ക​ൽ അ​നു​വ​ദി​ച്ച ഉ​ത്ത​ര​വ്​ പു​നഃ​പ​രി​ശോ​ധി​ക്ക​ണ​മെ​ന്നാ​വ​ശ്യ​പ്പെ​ട്ട്​ ഹ​ര​ജി​യും ന​ൽ​കി. വെ​ള്ളി​യാ​ഴ്ച പു​നഃ​പ​രി​ശോ​ധ​ന ഹ​ര​ജി ത​ള്ളി​യ ജ​സ്റ്റി​സു​മാ​രാ​യ കെ.​എം. ജോ​സ​ഫ്, ഋ​ഷി​കേ​ഷ്​ റോ​യ്​ എ​ന്നി​വ​രു​ടെ ബെ​ഞ്ച്​ 24 മ​ണി​ക്കൂ​റി​ന​കം ആ​ദ്യ ഉ​ത്ത​ര​വ്​ ന​ട​പ്പാ​ക്കാ​ൻ സ​മ​യം ന​ൽ​കി.

ഉ​ത്ത​ര​വി​ൽ പ​ഴു​ത്​ ക​ണ്ടെ​ത്തി ഇ​നി​യും വൈ​കി​പ്പി​ച്ചാ​ൽ നി​ല​പാ​ട്​ ക​ടു​പ്പി​ക്കു​മെ​ന്ന മു​ന്ന​റി​യി​പ്പും കോ​ട​തി ന​ൽ​കി. ഇ​തോ​ടെ​യാ​ണ്​ ശ​നി​യാ​ഴ്ച വൈ​കീ​ട്ടോ​ടെ ത​ലോ​ജ ജ​യി​ലി​ൽ​നി​ന്ന് ന​വ​ല​ഖ​യെ സി.​പി.​എം ഓ​ഫി​സി​ലേ​ക്ക്​ മാ​റ്റി​യ​ത്.

സ്ഥ​ലം സു​ര​ക്ഷി​ത​മ​ല്ലെ​ന്ന എ​ൻ.​ഐ.​എ വാ​ദ​ത്തി​ന്, സി.​പി.​എം ഓ​ഫി​സി​ലെ അ​ടു​ക്ക​ള​യി​ൽ​നി​ന്ന്​ പു​റ​ത്തേ​ക്കു​ള്ള വാ​തി​ലും ലൈ​ബ്ര​റി​യി​ലെ ഗ്രി​ൽ വാ​തി​ലും അ​ട​ച്ചു​പൂ​ട്ടാ​നാ​ണ്​ കോ​ട​തി നി​ർ​ദേ​ശി​ച്ച​ത്. മൊ​ത്തം പൊ​ലീ​സ്​ സേ​ന​യും സ​ർ​ക്കാ​റു​മു​ണ്ടാ​യി​ട്ടും 70കാ​ര​നെ ത​ട​വി​ൽ പാ​ർ​പ്പി​ക്കാ​ൻ നി​ങ്ങ​ൾ​ക്കാ​വി​ല്ലേ എ​ന്നും കോ​ട​തി എ​ൻ.​ഐ.​എ​യോ​ട്​ ചോ​ദി​ച്ചി​രു​ന്നു.